Канаданинг Монреаль шаҳридаги “Сапуто” стадионида MLS доирасидаги ўйин 11 май куни якунланди, унда “Интер Майами” меҳмонда “Монреаль Импакт”ни 3:2 ҳисобида мағлуб этди.
Аргентина терма жамоаси ҳужумчиси ва “Интер Майами” клуби сардори Лионель Месси бу ўйинда 90 дақиқа ҳаракат қилди, бироқ гол ура олмади. Шу тариқа Месси 11 ўйиндан иборат голли сериясини тўхтатди. Аввалги 11 учрашувнинг ҳар бирида аргентиналик футболчи камида битта гол урган ёки голли узатмани амалга оширган эди.
Жорий мавсумда Месси MLS жамоаси сафида 9 та ўйинда майдонга тушиб, 10 та гол урди ва 13 та голли узатмани амалга оширди.
Ҳозирда “Интер Майами” MLS турнир жадвалида 13 ўйиндан кейин 27 очко билан биринчи ўринда бормоқда. Чемпионатда “Монреаль Импаcт” 12 очко тўплаб, жадвалнинг 20-қаторида жойлашган.
Изоҳ (0)