Голливуд юлдузларининг кўпчилик танимайдиган истеъдодли фарзандлари (фото)

Шоу-бизнесда ҳамма ҳам ўз ўрнини топа олмайди. Мазкур истеъдодли, интилувчан юлдузлар қўлларидан келганча ҳаракат қилмоқда, лекин улар ҳали дунёга машҳур ота-оналаридан ўзиб кетолмаган.

Ава Рейн — Дуэйн Жонсоннинг қизи

Дуэйн Жонсоннинг қизларидан бири Ава Рейн 2001 йилда туғилган. 2022 йил октябрь ойида Ава реслинг шоусида дебют қилади. У отасининг изидан боришга қарор қилади ва бодибилдинг билан шуғуллана бошлайди. Айтганча, бундан олдин Рейн муваффақиятли моделлик карьерасини қурган. Аммо реслинг сабаб қиз моделликни ташлайди. Рейн ижтимоий тармоқларда фаол эмас, омма олдида кўп ҳам кўринавермайди.

Белла Кидман-Круз — Николь Кидман ва Том Крузнинг қизи.

Николь Кидман ва Том Круз турмуш қургач, Беллани асраб олишади. Қиз ота-онасининг изидан бормайди, у рассом бўлишга қарор қилади. Белла омма эътиборида бўлишни хоҳламайди, шунинг учун ҳам у ҳақида маълумотлар жуда кам. Фақат Белла эри билан Лондонда яшаши маълум. Ижтимоий тармоқларда у кўпинча ўзини эмас, балки ижодини намойиш этади. Қизнинг ноёб фотосуратларидан унинг яхшигина ижодкор эканлигини тушуниш мумкин.

Илон Маскнинг болалари

Миллиардер бутун дунёда танилган, аммо баъзи машҳурлардан ўрнак олиб, шахсий ҳаётини кўз-кўз қилишни хоҳламайди. Илон Маскнинг таржимаи ҳоли жуда қизиқ, аммо баъзи воқеалар тафсилотларсиз ҳам маълум. Баъзи манбаларга кўра, Илон 9 нафар, бошқаларига кўра —11 нафар фарзанднинг отаси ҳисобланади. Албатта, интернетда ҳамма болаларининг расмини тополмайсиз. Нисбатан яқинда олинган қуйидаги суратда — Маск Граймс билан никоҳидан туғилган Х А-XII исмли ўғлини ушлаб турибди.

Лила Мосс — Кейт Мосснинг қизи

2002 йилда Кейт Мосс қизи Лилани дунёга келтиради. Қизалоқ келажакда ким бўлишини ёшлигиданоқ ҳал қилади. Унинг биринчи дебюти 2021 йилда Милан мода ҳафталигида бўлиб ўтади. Лила Versace, Fendi ва Mark Jacobs брендларига модель бўлган ва у VOGUE журнали учун ҳам суратга тушган. Аммо Лила диабетга чалинган ва худди шундай ташхис қўйилган одамларни қўллаб-қувватлайди. У дунёга инсулин помпасидан уялмаслик кераклигини тушунтиради — ҳатто аксессуар сифатида у билан суратга тушади. 

Лука Бэйл — Кристиан Бэйлнинг қизи

2005 йилда Кристиан Бэйлнинг Лука исмли қизи дунёга келади. Узоқ вақт давомида қиз сояда қолади, лекин балоғат ёшига яқинроқ у шоу-бизнес оламида биринчи қадамларини қўйишни бошлайди. Шундай қилиб, 2019 йилда Лука “Форд Феррарига қарши” спорт драмасида, 2022 йилда эса “Тор: Севги ва чақмоқ” номли саргузашт фильмида роль ўйнайди. Аммо кинодан ташқари, интилувчан юлдузни қизиқтирадиган бошқа соҳалар ҳам бор. Ўтган ёзда у Dolce & Gabbana шоусида иштирок этди.