Синоптиклар яқин кунларда Қозоғистонда ёмғир ва қор ёғиб, ҳаво совишини прогноз қилмоқда. Бу ҳақда “Казгидромет” хабар берди.
Жанубий циклон таъсирида 25—27 апрель кунлари республиканинг жанубий қисмида, 25 апрелда шимоли-ғарбида ёғингарчилик кузатилади. Кечаси узоқ шимоли-ғарбда ёмғир ёғиб, қорга айланиши мумкин. Республиканинг жануби ва жануби-шарқида кучли ёмғир ёғади. Дўл ва кучли шамол бўлиши прогноз қилинган.
Мамлакатнинг қолган ҳудудларида ёғингарчилик кузатилмайди, кечаси шимол ва шарқда кучли шамол ҳамда туман тушиши кутилмоқда. Жанубда ҳаво ҳароратининг босқичма-босқич пасайиши кечаси 0 дан 12 даражагача илиқ, кундузи эса 10-20 даража илиқ бўлиши мумкин.
Шимолий ҳудудларда 25 апрель куни ҳарорат кескин совиши кутилмоқда: кечаси 0...-8 даража совуқ, кундузи 5-13 даража илиқ. Кейин ҳаво ҳарорати шимолда кун давомида 10-17 даражагача кўтарила бошлайди.
Изоҳ (0)