АҚШ университетларида Фаластин тарафдорлари норозилик намойишлари билан чиқмоқда. BBC Нью-Йорк университети кампусида Фаластин тарафдорлари намойишлари чоғида 133 киши ҳибсга олингани ҳақида хабар берди.
Нью-Йорк полиция департаментига кўра, ҳибсга олинганлар қўйиб юборилган.
Ел, Колумбия ва бошқа университетларда ҳам норозилик намойишлари кучаймоқда. Аввалроқ Елда ўнлаб талабалар ҳибсга олинган, Колумбия университетида эса оффлайн дарслар бекор қилинган.
Исроилнинг Ғазодаги ҳаракатлари ва сўз эркинлиги юзасидан норозилик намойишлари ва қизғин мунозаралар 7 октябрдан сўнг АҚШ коллежлари кампусларини қамраб олган.
Талабаларнинг айтишича, ўшандан бери АҚШда антисемитизм ва исломофобия ҳолатлари кўпайган.
АҚШ президенти Жо Байден антисемит норозиликларни ҳам Фаластиндаги ҳолатни тушунмайдиганларни ҳам қоралашини айтган.
Нью-Йорк университетни қурол ишлаб чиқарувчилари ва Исроил ишғолидан манфаатдор компаниялардан олган маблағлари ва хайрияларини ошкор қилишга чақирмоқда.
Аввалроқ яҳудийларнинг Фисиҳ байрамининг биринчи куни, университет расмийлари антисемитизм ҳодисалари ҳақида хабар беришган — бу биринчи бундай ҳодиса эмас.
Яқинда ижтимоий тармоқларда Колумбия университети олдида намойишчиларнинг ҲАМАСнинг Исроилга ҳужумини қўллаб-қувватлаётгани акс этган видеолар пайдо бўлган. Университетда яҳудий талабалар ҳақоратланган. Университет яҳудий талабаларга вазият яхшиланмагунча кампусга келмасликни маслаҳат берган.
Норози гуруҳлар аъзолари антисемитизм айбловларини инкор этиб, фақат Исроил ва унинг тарафдорларини танқид қилишларини айтган.
Оқ уй ҳам антисемитистик воқеаларни қоралаган.
Изоҳ (0)