AQSH universitetlarida Falastin tarafdorlari norozilik namoyishlari bilan chiqmoqda. BBC Nyu-York universiteti kampusida Falastin tarafdorlari namoyishlari chog‘ida 133 kishi hibsga olingani haqida xabar berdi.
Nyu-York politsiya departamentiga ko‘ra, hibsga olinganlar qo‘yib yuborilgan.
Yel, Kolumbiya va boshqa universitetlarda ham norozilik namoyishlari kuchaymoqda. Avvalroq Yelda o‘nlab talabalar hibsga olingan, Kolumbiya universitetida esa offlayn darslar bekor qilingan.
Isroilning G‘azodagi harakatlari va so‘z erkinligi yuzasidan norozilik namoyishlari va qizg‘in munozaralar 7-oktyabrdan so‘ng AQSH kollejlari kampuslarini qamrab olgan.
Talabalarning aytishicha, o‘shandan beri AQSHda antisemitizm va islomofobiya holatlari ko‘paygan.
AQSH prezidenti Jo Bayden antisemit noroziliklarni ham Falastindagi holatni tushunmaydiganlarni ham qoralashini aytgan.
Nyu-York universitetni qurol ishlab chiqaruvchilari va Isroil ishg‘olidan manfaatdor kompaniyalardan olgan mablag‘lari va xayriyalarini oshkor qilishga chaqirmoqda.
Avvalroq yahudiylarning Fisih bayramining birinchi kuni, universitet rasmiylari antisemitizm hodisalari haqida xabar berishgan — bu birinchi bunday hodisa emas.
Yaqinda ijtimoiy tarmoqlarda Kolumbiya universiteti oldida namoyishchilarning HAMASning Isroilga hujumini qo‘llab-quvvatlayotgani aks etgan videolar paydo bo‘lgan. Universitetda yahudiy talabalar haqoratlangan. Universitet yahudiy talabalarga vaziyat yaxshilanmaguncha kampusga kelmaslikni maslahat bergan.
Norozi guruhlar a’zolari antisemitizm ayblovlarini inkor etib, faqat Isroil va uning tarafdorlarini tanqid qilishlarini aytgan.
Oq uy ham antisemitistik voqealarni qoralagan.
Izoh (0)