Криштиану Роналду: “Олтин тўп” ва The Best қайсидир маънода ўз қийматини йўқотмоқда

Португалиялик футболчи Криштиану Роналду “Олтин тўп” ва The Best совринларига бўлаётган танқидларга муносабат билдирди.

“Менимча. бу совринлар қайсидир маънода ўз қийматини йўқотмоқда. Биз бутун мавсумни таҳлил қилишимиз лозим. Бу Месси совринга лойиқ эмаслигини билдирмайди. Ёки Ҳоланд, ёки Мбаппени. 

Шунчаки мен энди бу совринларга ишонмайман. Рақамлар мавжуд — бу факт ва улар ёлғон гапирмайди. Улар мендан совринни (дунёнинг энг яхши тўпурари) олиб қўёлмайди. Рақамлар буни тасдиқлаши мени хурсанд қилади. 

Қачондир “Олтин тўп” ёки The Best’ни қўлга киритаманми? Бошқа ташкилотлар қандай ишлашини биламиз. Мен доим клуб ва терма жамоам ҳақида ўйлаганман. Клуб ва терма жамоадаги яхши мавсумдан кейин совринлар келади. Тўғрисини айтсам, бу ҳақида кўп ҳам ўйламаяпман”, — дейди “Ан-Насср” ҳужумчиси Record’га берган интервьюсида.