Туризм иқтисодиётнинг асосий тармоқларидан бирига айланди. Таҳлил натижалари мамлакатимизда ушбу соҳани модернизация қилиш самарадорлигини кўрсатмоқда. Ўзбекистон фуқароларининг қўшни давлатларга саёҳатга бўлган қизиқиши ўзгармади, курорт саёҳатлари эса ўртача икки баравар кўпайди. Хорижлик сайёҳларнинг Ўзбекистонга, айниқса, мамлакатимизнинг шарқий ҳудудларига қизиқиши эса 1,5 баробар ошди. Келинг, навбат билан кўриб чиқамиз.
Ўзбекистонликлар қайси давлатларга ташриф буюришади?
Энг кўп ташриф буюрадиган давлатлар Қирғизистон, Қозоғистон, Россия, Тожикистон, Саудия Арабистони ва Туркия бўлди. Энг машҳур бўлмаган экзотик йўналишлар - Чили, Багама ороллари, Перу, Эквадор, Македония ва Исландия. VEON AdTech мутахассисларининг таъкидлашича, ушбу мамлакатлар бой маданият ва табиатга эга бўлишига қарамай, туризм дастурини қўшимча тарғиб қилиш ва батафсил ишлаб чиқишни талаб қилади.
Шу билан бирга, 2022 йилга нисбатан 2023 йилда Ўзбекистон фуқароларининг курорт мамлакатларга саёҳатлари сони 2 баробарга ошди. Озарбайжон, Хитой, Грузия, Миср ва Таиланд ўзбекистонлик сайёҳлар учун машҳур йўналиш бўлиб қолмоқда. Ҳаво қатнови тартиб-қоидаларининг соддалаштирилгани ва халқаро алоқаларнинг яхшиланиши туфайли саёҳатларнинг энг катта ўсиши Хитойга (10 марта), шунингдек, тропик мамлакатлар – Таиланд (9 марта), Ветнам (10 марта) ва Малдив оролларига (9,5 марта) тўғри келди.
Анъанага кўра, саёҳатнинг фаол мавсуми ёз бўлиб қолмоқда ва туристларнинг жинси бўйича ўртача нисбати 75% эркаклар ва 25% аёллар.
Ўзбекистонликлар мамлакат ичида қаерга саёҳат қилишади?
Ўзбекистон аҳолиси мамлакат бўйлаб саёҳат қилишда энг фаол. Статистик маълумотларга кўра, тошкентликлар мамлакатнинг бошқа фуқароларига қараганда 25 марта кўпроқ саёҳат қиладилар. Қишда Тошкент, Самарқанд ва Бухоро минглаб сайёҳларни ўзига жалб этувчи машҳур йўналиш бўлиб қолса, ёзда Фарғона Бухородан олдинда. Саёҳатларнинг 34 % иш кунларида содир бўлади, шунинг учун VEON AdTech маълумотлар таҳлилчилари уларнинг аксарияти ҳафта давомидаги иш сафарлари эканлигини тахмин қилишди. Қолган 66% дам олиш кунлари саёҳатлари бўлиб, улар саёҳат қилаётган ёки ўз шаҳарларига қайтган одамларни ўз ичига олади. Қизиғи шундаки, хорижга саёҳатлардан фарқли ўлароқ, мамлакат ичида аёллар эркакларникига қараганда 1,5 баравар кўп саёҳат қиладилар. Масалан, сентябрь октябрь ойларида 1 472 690 эркак ва 2 023 566 аёл қайд этилган.
Оъзбекистондаги хорижликлар
VEON AdTech мутахассислари 2022 ва 2023 йилларда таянч мобил станцияларга хорижий SIM-карталар билан қанча мобил қурилмалар уланганлигини таҳлил қилишди. Олинган маълумотларга кўра, хорижлик сайёҳларнинг Ўзбекистонга қизиқиши 1,5 баробар ортган, уларнинг сони эса Ўзбекистондан ташқатига саёҳат қилаётган фуқаролардан 6 баробар кўп. Ташриф учун энг гавжум фасллар апрель май ва август сентябрь ойлари. Тошкент, Самарқанд ва Бухоро ноёб маданий ва табиий диққатга сазовор жойлари билан ўзига жалб этувчи туризмнинг асосий марказлари бўлиб қолмоқда. Ривожланаётган халқаро бизнес алоқалари ва хорижий корхоналарнинг жойлашуви туфайли кучли бешликка Фарғона водийсидаги шаҳарлар ҳам кирди. Хоразм вилоятининг тарихий Хива шаҳри, хорижлик сайёҳлар сони бўйича 8-ўринда туради. VEON AdTech мутахассислари бу ерга ташриф буюрувчилар оқими минтақанинг узоқда жойлашганлиги ва сайёҳлик маршрутларига чекланган интеграциялашуви туфайли чекланган деб тахмин қилишди.
Геоаналитика натижалари шуни кўрсатадики, мамлакат минтақадаги сайёҳлик маркази сифатида ўз мавқеини мустаҳкамлаб, турли хил саёҳат ва дам олиш имкониятларини таклиф қилмоқда. VEON AdTech рақамли технологияларига асосланган Beeline Uzbekistan хизмати - молия, чакана савдо ва шаҳарсозлик соҳалари бўйича таҳлилий маълумотларни ҳам тўплаш имконини беради. Бундай маълумотлар инфратузилмани ривожлантириш, бизнесни оптималлаштириш ва маркетинг фаолиятини режалаштиришда фойдали бўлади.
Хизмат ҳақида қўшимча маълумотни ушбу ҳаволадан beeline.uz/geoanalytics ёки +998903995811 телефон рақамидан олишингиз мумкин.
Компания ҳақида
VEON AdTech – VEON компаниялар гуруҳининг бир қисми бўлиб, digital ва перформанcе - маркетинг ҳамда замонавий реклама технологияларини, жумладан, ўзининг программатиc - платформаларини ишлаб чиқади.
Компания Big Data, сунъий интеллект ва машинани ўрганиш технологияларидан фойдаланади. VEON AdTech юқори аниқликдаги мақсадли хизматлар, бозор эҳтиёжларини ўрганиш ва дўконлардаги мижозлар фаоллигини ёки танланган ҳудудлардаги трафикни таҳлил қилишни таклиф қилади. Рақамли маркетинг хизматлари ҳар қандай ҳажмдаги корхоналарга, шунингдек, давлат секторига қаратилган.
Facebook - VEON.АdTech
Telegram - VeonАdTech
Twitter - VEON_АdTech
LinkedIn - veon-аdtеch
Реклама ҳуқуқи асосида.
Изоҳ (0)