Қозоғистон Ички ишлар вазирлиги зўравонликка қарши жамоат ҳаракати “Nemolchi.kz” асосчиси ва жамғарма раҳбари Динара Тансарини қидирувга берди. Бу ҳақда Tengrinews хабар берди.
Динара Тансарини қидириш билан Уст-Каменогорск ички ишлар бошқармаси шуғулланмоқда. “Nemolchi.kz” жамоат фонди зўравонлик қурбонларига ёрдам кўрсатади.
“Баъзан Тансари нохолисликда, асоссиз айбловлар қўйишда, ёлғон маълумот тарқатишда айбланаётгани сабабли жамғарма фаолияти танқид қилинади”, — деб ёзади ZTB Qazaqstan нашри.
Тансарининг ўзи Instagram’да терговчилар уни ҳибсга олиш учун ордер тайёрлаб қўйганини айтди.
“Биз санкциялар бўйича тергов судига тайёргарлик кўряпмиз. Лекин ҳали ҳам ҳужжатлар билан таништиришмаган — 170 та ҳужжат ҳали бизга тақдим этилмаган”, — деб ёзган у.
Аввалроқ Динара Тансари фирибгарликда гумонланаётгани хабар қилинганди. Бу ҳақдаги маълумотни Шарқий Қозоғистон вилояти ИИБ матбуот хизмати тасдиқлаган. Бошқарма иш тафсилотларини эълон қилмаган, фақат ижтимоий фаолга нисбатан бошланган тергов ҳақида маълумот берган.
Изоҳ (0)