Бугун Олмалиқ кон металлургия комбинатининг Мис эритиш заводи ўзининг 60 йиллигини нишонламоқда. Мис эритиш заводи комбинатнингнинг йирик бўлинмаларидан бири бўлиб, катод миси, олтин ва кумуш, селен ва теллур, сулфат кислотаси, мис купороси, аммоний перренат, куйдирилган молибден ярим тайёр маҳсулот ва эмалланган сим ишлаб чиқарувчи, илғор технология ва хом ашё таркибидаги асосий металларни олиш учун тўлиқ технологик занжирга эга замонавий корхона ҳисобланади.
Мис эритиш заводининг бежизга Олмалиқ кон-металлургия комбинати юраги дейишмайди. Айнан Мис эритиш заводида “Олмалиқ кон-металларгия комбинати” деб аталувчи, ўз сафида 35 мингдан зиёд ишчи-ходимларни бирлаштирган корхонанинг машаққатли меҳнатлари маҳсули юзага чиқади.
Байрам тадбирида бош вазир табриги ўқиб эшиттирилди. Шунингдек, сўзга чиққан ОКМК бошқарув раиси А.Хурсанов корхона фаолиятига тўхталар экан, йилига 148 минг тоннадан зиёд мис ишлаб чиқараётган бу корхона мустақиллик йилларида янада равнақ топганини эътироф этди.
Дарҳақиқат, мустақиллик йилларида, корхонанинг олтин ва кумушни ишлаб чиқариш цехи ишга туширилди.
1991 йил 24 декабрда заводда илк бор соф кумуш олинганди. Орадан икки кун ўтиб Олмалиқнинг биринчи 999,9 соф олтини олинди. 1996 йилда Лондон рангли металлар ассоциацияси комбинатда юқори сифатли кумуш ишлаб чиқарилишини расман тан олди. Шу йилнинг ўзида Лондон рангли металлар биржаси комбинат кумушига “Энг яхши етказиб берувчи” мақомини берди.
Байрам тадбирида бир гуруҳ илғор металлурглар “Кончилик шуҳрати” кўкрак нишони, фахрий ёрлиқлар ва қимматбаҳо совғалар билан тақдирланди.
Юбилей айёмида иштирок этган Мецо Outотеc компанияси президенти Пия Карху бугун Ўзбекистонда амалга оширилаётган ислоҳотлар туфайли саноат соҳаси жадал суратларда ривожланиб бормоқда. Биз каби хорижий инвесторларнинг қизиқишлари ҳам йилдан йилга ортиб боряпти. Компаниямиз Олмалиқ кон металлургия комбинати билан бир неча йиллардан буён ҳамкорлик қилиб келади.
Биз комбинатнинг янги бойитиш фабрикаси ва янги металлургия комплекси учун ускуналар етказиб беришни режалаштирганмиз. Бугунги кунда комбинатда амалга оширилаетган мегалойҳада иштирок этганимиздан мамнунмиз.
Бугун мис эритиш заводининг юбилей тадбирида иштирок этарканмиз, корхона эришган ютуқлари бардавом бўлишини ва ўзига хос аънаналарини сақлаб қолган ҳолда янада ривож топишини тилаймиз.
Тадбир давомида машҳур хонадалар Анвар Ғаниев, Ахрор Усмонов иштирокида концерт дастури ҳавола этилди.
Концерт дастуридан сўнг хорижий меҳмонлар ва комбинат фахрийлар Қалмоқир ва Ёшлик конлари, 3 Мис бойитиш фабрикаси қурилиш жараёни ва Мис эритиш заводи фаолияти билан яқиндан танишишди.
Шунингдек ташриф давомида фахрий металлурглар бугунги авлод металлурглари билан мисдан Дўстлик қуймасини қуйишди. Унга келажак авлодга мактуб жойланди.
Мактубда корхонага асос солган фахрийлар ва ҳозирда меҳнат қилаётган металлурглар номидан келажакда шу заводдда ишлайдиган ёш авлодга тилаклар изҳор этилди. Юбилей айёми “Тожмаҳал” банкетлар залида давом эттирилди.
Реклама ҳуқуқи асосида.
Изоҳ (0)