Германия мудофаа вазири Борис Писториус мамлакатда мажбурий ҳарбий хизматни тиклашга чақирди. Бу ҳақда Bild хабар берди.
Германияда мажбурий ҳарбий хизмат 2011 йилда бекор қилинган. Бу Бундесвер учун кадрларнинг кескин танқислигига олиб келади. Германия мудофаа вазири мамлакатда Швеция намунасидаги ҳарбий хизматга чақирув тизимини жорий этишни таклиф қилди. У ерда 2017 йилдан бошлаб барча ўғил-қизлар ҳарбий хизматга чақирилади. Уларнинг барчаси ҳарбий комиссия томонидан хизматга тайёрлигини аниқлаш учун кўрикдан ўтказилади, бироқ уларнинг кичик қисмигина ҳарбий хизматга чақирилади.
Ҳозир Германияда ҳарбий хизмат бутунлай ихтиёрий. Бундан ташқари, Германияда аёллар 1949 йилги Асосий қонунга биноан ҳар доим ҳарбий хизматдан озод қилинган. Швеция модели ушбу қоидаларни ўзгартиришни англатади. Немис ҳарбий экспертлари бу ташаббусни олқишлаб, фақат бунинггина Бундесверга кўпроқ одамларни жалб қилиш ва кадрлар инқирозини енгиб ўтишга ишонади. Бироқ ҳукмрон коалициянинг бир қисми бўлган либерал “Эркин демократик партия” ЭДП партияси аллақачон буни “фуқаролик эркинликларига катта ҳужум” деб атаган.
Изоҳ (0)