Яқин Шарқдаги кескинлашув ва Россиянинг Украинага қарши иккинчи йилдан бери олиб бораётган жанговар ҳаракатлари фонида Европада Учинчи жаҳон уруши бошланиши мумкин. Германия Мудофаа вазирлиги раҳбари Борис Писториус тегишли таҳдид ҳақида ZDF телеканалида маълум қилди.
Борис Писториуснинг сўзларига кўра, немислар бундай оқибатга руҳан тайёр бўлиши керак.
“Биз Европада уруш хавфи бўлиши мумкин деган фикрга кўникишимиз керак”, — деди Германия мудофаа вазири.
У Бундесвер Германияни ҳимоя қилиши ва “урушга яроқли бўлиши” кераклигини айтди. Бунга эришиш учун Мудофаа вазирлиги ўз тузилмасини қайта ташкил этди. Шунингдек, 100 миллиард долларлик махсус фонд ташкил этилди.
“Шу боис, Германия ҳукумати дунё дуч келаётган янги таҳдидларга жавоб беришда суст, дейиш мумкин эмас. Бу ҳозиргидан тезроқ содир бўлмайдиъ, — таъкидлади Германия Мудофаа вазирлиги раҳбари.
Шунингдек, Писториус Берлин Яқин Шарқ минтақасида янада кучайиб кетишининг олдини олиш учун барча саъй-ҳаракатларини амалга оширишини айтди.
“Шуни тушуниш керакки, кўп йиллар давомида ҳеч ким Бундесверни кучайтирмаган, 30 йил беҳуда ўтган ва бу вақтни 19 ой ичида қоплаб бўлмайди”, — дея Писториус Германия Мудофаа вазирлигининг салоҳиятини изоҳлади.
Вазир қийинчиликларга қарамай, Бундесвер айни пайтда НАТОнинг Европадаги энг қудратли кучларидан бири экани ва яқин йилларда қуролли кучлар бутунлай бошқача кўринишга эга бўлишини хулоса қилди.
Изоҳ (0)