Ла Лига. “Барселона” сафарда “Гранада” билан дуранг ўйнади (видео)

Футбол бўйича Испания Ла Лигасининг 9-турида “Барселона” ва “Гранада” жамоалари 8-октябрь, якшанба куни ўзаро баҳс олиб борди. 

Учрашувнинг илк дақиқасидаёқ “Гранада” ҳисобни очди. Брайан Сарагоса қийинчиликсиз тер Штеген дарвозасига йўл топди. 29-дақиқада эса Сарагоса дублни расмийлаштирди. Биринчи бўлим сўнгида Ламин Ямал ҳисобни қисқартирди. 85-дақиқада Сержи Роберто мувозанатни тиклади. Шу тариқа жамоалар дуранг натижага имзо чекди.

Хави жамоаси 21 очко билан 3-ўринда бормоқда.

Ла Лига

9-тур баҳси

8-октябрь, якшанба

“Гранада” – “Барселона” 2:2

Голлар: 1:0 – 1 Сарагоса, 2:0 – 29 Сарагоса, 2:1 – 45 Ямал, 2:2 – 85 Сержи Роберто.

“Гранада”: Андре Феррейра, Рикард Санчес (Валехо, 84), Микель, Нева, Рубио, Альваро Фернандес (Торренте, 59), Сарагоса, Гумбау, Вильяр (Петрович, 59), Узуни (Пуэртас, 58), Бое (Калехон, 74).

“Барселона”: тер Стеген, Жоау Канселу, Кристенсен, Кунде (Араухо, 44), Балде, Гундўған, Гави, Лопес (Сержи Роберто, 61), Жоау Феликс, Ферран Торрес, Ямал (Ромеу, 76).

Огоҳлантиришлар: Сарагоса (66), Рубио (68), Валехо (86), Жоау Канселу (90).