Ўзбекистон футзал терма жамоасининг янги бош мураббийи иштирокида матбуот анжумани ташкил этилди 

Ўзбекистон футбол ассоциацияси анжуманлар залида испаниялик мутахассис Хосе Венансио Лопес иштирокида матбуот анжумани ўтказилди.

Анжуманда Хосе Венансио Лопес Ўзбекистон футзал миллий терма жамоаси бош мураббийи сифатида таништирилди. 

Аввало, Ўзбекистон терма жамоасига бош мураббий этиб тайинланганимдан хурсандман. ЎФА раҳбарияти мамлакатда футзал бўйича улкан лойиҳа амалга оширилаётганини айтди. Ҳозирча фақатгина ташкилий ишлар билан банд бўламан, жамоа билан Осиё Кубоги саралаш босқичидан сўнг машғулотларни бошлайман. Унга қадар ҳозирги бош мураббий Баҳодир Аҳмедов жамоа билан ишлайди. Ўйлайманки, бир жамоа бўлиб ишласак, албатта, кўзланган натижага эришамиз. 

Ўзбекистон терма жамоаси билан яхши танишман. Чунки Испания терма жамоаси мураббийи сифатидаги дебют ўйиним айнан Ўзбекистонга қарши бўлган. Литвадаги Жаҳон чемпионати олдидан Испанияда ташкил этилган йиғинда ҳам жамоанинг услубини ўрганиб чиққанмиз. 

Энг муҳими, Ўзбекистонда футзал пастки бўғиндан ривожланиб бормоқда. Испаниялик Хосе Мария Мендез бу ерда фаолият юритган. У менинг яқин дўстим ва жуда кучли мутахассис бўлиб, у бошлаган ишни Баҳодир Аҳмедов ҳам аъло даражада давом эттирди. Яхши шаклланган жамоага бош мураббий этиб тайинланганимдан хурсандман. Футзалчиларнинг даражаси жуда юқори. Ҳимояда ҳаракатланиш ва ҳужумга тезкорлик билан ўтиш устида алоҳида ишлаймиз.

Баҳодир Аҳмедов ёрдамчи мураббий сифатида фаолият юритади, унинг штабида фаолият юритган барча мураббийлар ўз ишини давом эттиради, жамоага физиотерапевт ва таҳлилчи мураббий ҳам таклиф этамиз.

Хосе Венансио Лопес, Ўзбекистон футзал терма жамоаси бош мураббийи

Анжуманнинг тўлиқ видеосини ЎФАнинг YouTube саҳифаси орқали томоша қилишингиз мумкин.