Кино оламида ўзи яратган қаҳрамонларга ҳар томонлама ўхшаш актёр ва актрисалар бор. Уларнинг феъл-атвори, айрим жиҳатлари қаҳрамонига кўчган. Айримлари эса қаҳрамонлари дуч келган қийинчликларни ҳаётда бошдан кечирган.
Женна Ортега
“Уэнздей” сериали премьераси 2022 йилда бўлиб ўтди. Сюжет Аддамслар оиласи ҳақидаги машҳур ҳикояга асосланган. Лойиҳадаги бош ролни Женна Ортега ижро этган. Режиссёр ҳам, суратга олиш гуруҳи ҳам, актёрларнинг ўзлари ҳам лойиҳа томошабинлар орасида бундай кучли реакцияга сабаб бўлишини тасаввур қила олмас эди. “Уэнздей”нинг муваффақияти Женнага узоқ кутилган машҳурликни олиб келди. Ортеганинг сўзларига кўра, у ўз персонажига жуда ўхшайди. Шунингдек, у кўпчилик тушунмайдиган баъзи нарсаларни яхши кўради. Ҳар қандай ғайриоддий нарсага бундай муносабат Женна учун қувончли ҳолат.
Адам Сендлер
Актёр иштирокидаги фильмларни томоша қиладиган инсонлар икки турга бўлинади: Адам Сендлер иштирокидаги кинокартиналарни яхши кўрадиганлар ва унинг лойиҳаларини жуда бемаъни деб ҳисоблайдиганлар. Баъзилар актёрнинг қобилиятига ишончсизлик билдирса-да, Адам ўзининг унчалик иқтидорли ёки келишган эмаслигини яширмайди. Бироқ бу унинг Голливудда машҳурлик ва ҳурматдан баҳраманд бўлишига тўсқинлик қилмайди. Агар диққат билан эътибор берилса, Сендлер ўзи иштирокидаги барча комедияларда бир хил персонажларни гавдалантирган. Гап шундаки, актёр ўзини борича кўрсатади ва мухлислар буни яхши кўришади.
Меттю Перри
2024 йилда “Дўстлар” сериали намойиш этилганига роппа-роса ўттиз йил тўлади. Меттю Перри Chendler Бинг ролини ижро этишдан олдин машҳур образларни гавдалантирмаган. Ушбу лойиҳада суратга тушиш унга катта машҳурлик келтирди. Бу вақт ичида актёр ҳақиқий синовлардан ўтди. Буларнинг барчаси пул ва гиёҳвандлик туфайли содир бўлди. Яхшиямки, Метю ўзини қўлга олишга муваффақ бўлди. Перри кунларнинг бирида Chendler Бинг аслида яхши юмор ҳиссига эга, ҳазилкаш инсон экани ҳақида гапириб берган.
Эмма Уоцон
“Гарри Поттер” фильмлари кўплаб истеъдод эгаларини, айниқса, жуда ёш актёрларни — Дэниэл Редклифф, Руперт Гринт ва Эмма Уоцонни кашф этди. Лойиҳада бош ролни ижро этган актёр шу кунгача бор кучи билан образдан халос бўлишга уринаётган бўлса, унинг қолган ҳамкасблари ўзларини борича қабул қилишади. Масалан, Эмма Уоцон дастлаб ўзининг Гермиона образидан тубдан фарқ қилишига амин эди.
Бундан ташқари, актриса ўзини ундан юз карра совуқроқ деб билишини айтган. Бироқ вақт ўтиб актриса ўз қаҳрамони билан умумий томонлари борлигини тушунди ва бу ҳақиқатни шунчаки қабул қилиш керак эди. Эмма нафақат китоб ўқиш ва тил ўрганишни яхши кўриши, балки ҳар қандай вазифани жиддий қабул қилиш қобилияти билан ҳам машҳур.
Женна Фишер
“Офис” сериали актёрлар таркиби ва кулгили дақиқалари билан машҳур. Томошабинлар Женна Фишерни феъл-атвори ва бир неча йил давомида ўйнаган персонажи туфайли яхши кўриб қолди. Бир қарашда Пем ва Женна жуда бошқача кўриниши мумкин. Бироқ актрисанинг сўзларига ишонсангиз, ҳақиқий ҳаётда уларни бирлаштирадиган нарса бор. Маълум бўлишича, Фишер узоқ вақт давомида ўз фикрлари ва ҳис-туйғуларини ифода этишдан хижолат бўлган, бир лаҳзага қадар у кишанлардан халос бўлмаган ва эркинликка эриша олмаган.
Роберт Дауни
Бир қарашда актёр таниқли оилада туғилганидан буён омад у билан бирга эди, дейиш мумкин. Бироқ Роберт ўз мисолида бунинг аксини кўрсатади. Роберт Дауни ҳамма нарсага эга эди, бундан ташқари, у кинода илк қадамларини қўйишни бошлаганида, отаси уни ҳар томонлама қўллаб-қувватлади. Ҳозир актёр яхши обрўга ва мухлисларнинг муҳаббатига эга бўлса, 1990 йилларда унда буларнинг ҳеч бири йўқ эди.
Роберт гивоҳванд моддаларни истеъмол қилиш туфайли ўз ҳаётини барбод қилди. Бироқ яхши инсон бўлиш истаги унга келажакка ишончни қозонишга имкон берди. Дауни Тони билан ўртасида умумий жиҳатлар борлигини яширмайди ва айнан шу рол реал ҳаётга қайтишига ёрдам берган.
Райан Рейнолдс
Агар Райан Рейнолдснинг фильмографиясига диққат билан қарасангиз, рўйхатда турли жанрдаги кинокартиналарни кўришингиз мумкин. Актёр кўплаб образларда ўзини синаб кўрди. Бироқ Райан асосан жиддий фильмларни афзал кўради. Унинг қайси машҳур қаҳрамонига ўхшашлиги ҳақида узоқ вақт ўйлашингиз мумкин. Маълум бўлишича, у ўз қаҳрамони Дедпулдан фарқ қилмайди. Уларнинг иккаласи ҳам оғир вазиятларда ҳазил қилишни яхши кўради. Шунингдек, бундай вазиятларда улар нафақат ўзлари, балки яқинларини ҳам қийнашади.
Изоҳ (0)