Kino olamida o‘zi yaratgan qahramonlarga har tomonlama o‘xshash aktyor va aktrisalar bor. Ularning fe’l-atvori, ayrim jihatlari qahramoniga ko‘chgan. Ayrimlari esa qahramonlari duch kelgan qiyinchliklarni hayotda boshdan kechirgan.
Jenna Ortega
“Uenzdey” seriali premyerasi 2022-yilda bo‘lib o‘tdi. Sujet Addamslar oilasi haqidagi mashhur hikoyaga asoslangan. Loyihadagi bosh rolni Jenna Ortega ijro etgan. Rejissor ham, suratga olish guruhi ham, aktyorlarning o‘zlari ham loyiha tomoshabinlar orasida bunday kuchli reaksiyaga sabab bo‘lishini tasavvur qila olmas edi. “Uenzdey”ning muvaffaqiyati Jennaga uzoq kutilgan mashhurlikni olib keldi. Orteganing so‘zlariga ko‘ra, u o‘z personajiga juda o‘xshaydi. Shuningdek, u ko‘pchilik tushunmaydigan ba’zi narsalarni yaxshi ko‘radi. Har qanday g‘ayrioddiy narsaga bunday munosabat Jenna uchun quvonchli holat.
Adam Sendler
Aktyor ishtirokidagi filmlarni tomosha qiladigan insonlar ikki turga bo‘linadi: Adam Sendler ishtirokidagi kinokartinalarni yaxshi ko‘radiganlar va uning loyihalarini juda bema’ni deb hisoblaydiganlar. Ba’zilar aktyorning qobiliyatiga ishonchsizlik bildirsa-da, Adam o‘zining unchalik iqtidorli yoki kelishgan emasligini yashirmaydi. Biroq bu uning Gollivudda mashhurlik va hurmatdan bahramand bo‘lishiga to‘sqinlik qilmaydi. Agar diqqat bilan e’tibor berilsa, Sendler o‘zi ishtirokidagi barcha komediyalarda bir xil personajlarni gavdalantirgan. Gap shundaki, aktyor o‘zini boricha ko‘rsatadi va muxlislar buni yaxshi ko‘rishadi.
Mettyu Perri
2024-yilda “Do‘stlar” seriali namoyish etilganiga roppa-rosa o‘ttiz yil to‘ladi. Mettyu Perri Chendler Bing rolini ijro etishdan oldin mashhur obrazlarni gavdalantirmagan. Ushbu loyihada suratga tushish unga katta mashhurlik keltirdi. Bu vaqt ichida aktyor haqiqiy sinovlardan o‘tdi. Bularning barchasi pul va giyohvandlik tufayli sodir bo‘ldi. Yaxshiyamki, Metyu o‘zini qo‘lga olishga muvaffaq bo‘ldi. Perri kunlarning birida Chendler Bing aslida yaxshi yumor hissiga ega, hazilkash inson ekani haqida gapirib bergan.
Emma Uotson
“Garri Potter” filmlari ko‘plab iste’dod egalarini, ayniqsa, juda yosh aktyorlarni — Deniel Redkliff, Rupert Grint va Emma Uotsonni kashf etdi. Loyihada bosh rolni ijro etgan aktyor shu kungacha bor kuchi bilan obrazdan xalos bo‘lishga urinayotgan bo‘lsa, uning qolgan hamkasblari o‘zlarini boricha qabul qilishadi. Masalan, Emma Uotson dastlab o‘zining Germiona obrazidan tubdan farq qilishiga amin edi.
Bundan tashqari, aktrisa o‘zini undan yuz karra sovuqroq deb bilishini aytgan. Biroq vaqt o‘tib aktrisa o‘z qahramoni bilan umumiy tomonlari borligini tushundi va bu haqiqatni shunchaki qabul qilish kerak edi. Emma nafaqat kitob o‘qish va til o‘rganishni yaxshi ko‘rishi, balki har qanday vazifani jiddiy qabul qilish qobiliyati bilan ham mashhur.
Jenna Fisher
“Ofis” seriali aktyorlar tarkibi va kulgili daqiqalari bilan mashhur. Tomoshabinlar Jenna Fisherni fe’l-atvori va bir necha yil davomida o‘ynagan personaji tufayli yaxshi ko‘rib qoldi. Bir qarashda Pem va Jenna juda boshqacha ko‘rinishi mumkin. Biroq aktrisaning so‘zlariga ishonsangiz, haqiqiy hayotda ularni birlashtiradigan narsa bor. Ma’lum bo‘lishicha, Fisher uzoq vaqt davomida o‘z fikrlari va his-tuyg‘ularini ifoda etishdan xijolat bo‘lgan, bir lahzaga qadar u kishanlardan xalos bo‘lmagan va erkinlikka erisha olmagan.
Robert Dauni
Bir qarashda aktyor taniqli oilada tug‘ilganidan buyon omad u bilan birga edi, deyish mumkin. Biroq Robert o‘z misolida buning aksini ko‘rsatadi. Robert Dauni hamma narsaga ega edi, bundan tashqari, u kinoda ilk qadamlarini qo‘yishni boshlaganida, otasi uni har tomonlama qo‘llab-quvvatladi. Hozir aktyor yaxshi obro‘ga va muxlislarning muhabbatiga ega bo‘lsa, 1990-yillarda unda bularning hech biri yo‘q edi.
Robert givohvand moddalarni iste’mol qilish tufayli o‘z hayotini barbod qildi. Biroq yaxshi inson bo‘lish istagi unga kelajakka ishonchni qozonishga imkon berdi. Dauni Toni bilan o‘rtasida umumiy jihatlar borligini yashirmaydi va aynan shu rol real hayotga qaytishiga yordam bergan.
Rayan Reynolds
Agar Rayan Reynoldsning filmografiyasiga diqqat bilan qarasangiz, ro‘yxatda turli janrdagi kinokartinalarni ko‘rishingiz mumkin. Aktyor ko‘plab obrazlarda o‘zini sinab ko‘rdi. Biroq Rayan asosan jiddiy filmlarni afzal ko‘radi. Uning qaysi mashhur qahramoniga o‘xshashligi haqida uzoq vaqt o‘ylashingiz mumkin. Ma’lum bo‘lishicha, u o‘z qahramoni Dedpuldan farq qilmaydi. Ularning ikkalasi ham og‘ir vaziyatlarda hazil qilishni yaxshi ko‘radi. Shuningdek, bunday vaziyatlarda ular nafaqat o‘zlari, balki yaqinlarini ham qiynashadi.
Izoh (0)