Авиация соҳасида хавфсизлик ва манфаатлар ҳимоясини авиация суғуртаси таъминлаб беради. Суғурта қопламаси ҳаво кемаси, учувчилар, йўловчилар, шунингдек, қўл юки, юк ва учинчи шахслар олдидаги жавобгарликка тааллуқлидир. Бугунги кунга келиб, Ўзбекистонда авиация суғуртаси халқаро стандартлар ва авиация бошқаруви, лизинг берувчилар ҳамда кредиторлар талабларига мувофиқ тарзда амалга оширилиб, умумқабул қилинган шартлар бўйича суғурта қопламасини тақдим этади.
Айни вақтда ички ҳамда халқаро коммуникация воситаси сифатида, авиация соҳасининг мамлакат тараққиёти учун аҳамиятини алоҳида айтиб ўтиш жоиз. Айнан Ўзбекистон Марказий Осиёда йўловчи ва юк ташиш ҳаво транспортида асосий транзит пунктларидан бири бўлгани боис, ҳаво кемаларининг хавфсизлиги, суғуртаси ҳамда бу билан боғлиқ жавобгарлик муҳим аҳамият касб этади.
Шуни таъкидлаш жоизки, Ўзбекистонда авиация соҳаси ҳукумат томонидан қўллаб-қувватланмоқда, бунинг шарофати билан Ўзбекистонда авиайўловчилар оқими тобора кўпайиб, туризм ривожланиб бормоқда. Шу тарзда, 2021 йилдан буён соҳада мунтазам ислоҳотлар амалга оширилиб, янги илғор авиакомпанияларнинг ташкил этилиши бунга ёрқин мисолдир. Бугунги кунда уларнинг 9 нафари 100 дан зиёд ҳаво кемалари паркига эга бўлган ҳолда, фуқаро авиациясига хизматлар тақдим этмоқда.
Авиакомпаниялар фаоллигини оширишдаги бундай йўналиш миллий суғурта бозорида ишончли мажмуавий суғурта қопламасини талаб этади.
Alfa Invest томонидан тақдим этилган авиация суғуртаси ва у билан боғлиқ қалтисликларнинг анъанавий йўналишлари қаторида қуйидагиларни айтиб ўтиш мумкин:
- ҳаво кемаларини суғурталаш (Каско);
- учинчи шахслар, йўловчилар ва уларнинг қўл юклари, юк эгалари олдидаги фуқаролик жавобгарлигини суғурталаш;
- тақдим этилаётган хизматлар сифати учун жавобгарликни суғурталаш;
- авиаташувчининг учинчи шахслар олдидаги жавобгарлигини суғурталаш;
- учувчилар ва ердаги ходимларни бахтсиз ҳодисалардан суғурталаш;
- авиакомпаниялар директорларининг жавобгарлигини суғурталаш;
- ходимларни ихтиёрий тиббий суғурталаш ва бошқалар.
Авиация соҳасини ривожлантиришнинг яна бир асосий жиҳати халқаро авиация алоқаларини кенгайтиришдан иборат. Айни пайтда 47 нафар хорижий авиаташувчи Ўзбекистонга мунтазам рейсларни амалга ошириш ҳуқуқига эга, мамлакатимиз ҳудудида 11 та аэропорт фаолият юритмоқда. Шундай экан, Alfa Invest томонидан таклиф этилаётган суғурта хизматлари рўйхатига қуйидагилар киришини алоҳида таъкидлаш жоиз:
- Аэропорт эксплуатантларининг жавобгарлигини суғурталаш;
- Навигация хизмати жавобгарлигини суғурталаш.
Alfa Invest Ўзбекистон суғурта бозорида етакчи компаниялардан бири сифатида ишончли ва тажрибали суғуртачи нуфузига эга. Компания ўз мижозларига юқори даражали хизмат кўрсатиш ва авиация қалтисликларидан ҳимоя қилишни кафолатлайди, компания мутахассислари авиация суғуртаси ҳамда авиация жавобгарлиги юзага келган вазиятларда даъволарни ҳал этиш ва ҳуқуқий ёрдам кўрсатиш соҳаларида мунтазам равишда ўқитилади ва малакаси оширилади.
Мана, 20 йил давомида молиявий барқарорлик, ишончли қайта суғурталаш ҳамда андеррайтинг сиёсати туфайли қабул қилинган хавфлар бўйича ўз мажбуриятларининг бажарилишини таъминлаган ҳолда, Alfa Invest Ўзбекистондаги хусусий ва миллий авиаташувчилар учун суғурта ва қайта суғурта қопламаларини тўлиқ ҳажмда тақдим этиб келмоқда.
Реклама ҳуқуқи асосида.
Изоҳ (0)