Aviatsiya sohasida xavfsizlik va manfaatlar himoyasini aviatsiya sug‘urtasi taʼminlab beradi. Sug‘urta qoplamasi havo kemasi, uchuvchilar, yo‘lovchilar, shuningdek, qo‘l yuki, yuk va uchinchi shaxslar oldidagi javobgarlikka taalluqlidir. Bugungi kunga kelib, O‘zbekistonda aviatsiya sug‘urtasi xalqaro standartlar va aviatsiya boshqaruvi, lizing beruvchilar hamda kreditorlar talablariga muvofiq tarzda amalga oshirilib, umumqabul qilingan shartlar bo‘yicha sug‘urta qoplamasini taqdim etadi.
Ayni vaqtda ichki hamda xalqaro kommunikatsiya vositasi sifatida, aviatsiya sohasining mamlakat taraqqiyoti uchun ahamiyatini alohida aytib o‘tish joiz. Aynan O‘zbekiston Markaziy Osiyoda yo‘lovchi va yuk tashish havo transportida asosiy tranzit punktlaridan biri bo‘lgani bois, havo kemalarining xavfsizligi, sug‘urtasi hamda bu bilan bog‘liq javobgarlik muhim ahamiyat kasb etadi.
Shuni taʼkidlash joizki, O‘zbekistonda aviatsiya sohasi hukumat tomonidan qo‘llab-quvvatlanmoqda, buning sharofati bilan O‘zbekistonda aviayo‘lovchilar oqimi tobora ko‘payib, turizm rivojlanib bormoqda. Shu tarzda, 2021-yildan buyon sohada muntazam islohotlar amalga oshirilib, yangi ilg‘or aviakompaniyalarning tashkil etilishi bunga yorqin misoldir. Bugungi kunda ularning 9 nafari 100 dan ziyod havo kemalari parkiga ega bo‘lgan holda, fuqaro aviatsiyasiga xizmatlar taqdim etmoqda.
Aviakompaniyalar faolligini oshirishdagi bunday yo‘nalish milliy sug‘urta bozorida ishonchli majmuaviy sug‘urta qoplamasini talab etadi.
Alfa Invest tomonidan taqdim etilgan aviatsiya sug‘urtasi va u bilan bog‘liq qaltisliklarning anʼanaviy yo‘nalishlari qatorida quyidagilarni aytib o‘tish mumkin:
- havo kemalarini sug‘urtalash (Kasko);
- uchinchi shaxslar, yo‘lovchilar va ularning qo‘l yuklari, yuk egalari oldidagi fuqarolik javobgarligini sug‘urtalash;
- taqdim etilayotgan xizmatlar sifati uchun javobgarlikni sug‘urtalash;
- aviatashuvchining uchinchi shaxslar oldidagi javobgarligini sug‘urtalash;
- uchuvchilar va yerdagi xodimlarni baxtsiz hodisalardan sug‘urtalash;
- aviakompaniyalar direktorlarining javobgarligini sug‘urtalash;
- xodimlarni ixtiyoriy tibbiy sug‘urtalash va boshqalar.
Aviatsiya sohasini rivojlantirishning yana bir asosiy jihati xalqaro aviatsiya aloqalarini kengaytirishdan iborat. Ayni paytda 47 nafar xorijiy aviatashuvchi O‘zbekistonga muntazam reyslarni amalga oshirish huquqiga ega, mamlakatimiz hududida 11 ta aeroport faoliyat yuritmoqda. Shunday ekan, Alfa Invest tomonidan taklif etilayotgan sug‘urta xizmatlari ro‘yxatiga quyidagilar kirishini alohida taʼkidlash joiz:
- Aeroport ekspluatantlarining javobgarligini sug‘urtalash;
- Navigatsiya xizmati javobgarligini sug‘urtalash.
Alfa Invest O‘zbekiston sug‘urta bozorida yetakchi kompaniyalardan biri sifatida ishonchli va tajribali sug‘urtachi nufuziga ega. Kompaniya o‘z mijozlariga yuqori darajali xizmat ko‘rsatish va aviatsiya qaltisliklaridan himoya qilishni kafolatlaydi, kompaniya mutaxassislari aviatsiya sug‘urtasi hamda aviatsiya javobgarligi yuzaga kelgan vaziyatlarda daʼvolarni hal etish va huquqiy yordam ko‘rsatish sohalarida muntazam ravishda o‘qitiladi va malakasi oshiriladi.
Mana, 20 yil davomida moliyaviy barqarorlik, ishonchli qayta sug‘urtalash hamda anderrayting siyosati tufayli qabul qilingan xavflar bo‘yicha o‘z majburiyatlarining bajarilishini taʼminlagan holda, Alfa Invest O‘zbekistondagi xususiy va milliy aviatashuvchilar uchun sug‘urta va qayta sug‘urta qoplamalarini to‘liq hajmda taqdim etib kelmoqda.
Reklama huquqi asosida.
Izoh (0)