UzAuto Motors Асака заводидаги ҳар йилги режалаштирилган модернизация ишлари автомобиль нархига таъсир қилмаслигини маълум қилди.
Асака шаҳридаги UzAutoMotors заводида амалга оширилаётган режали модернизация ишлари ижтимоий тармоқ фойдаланувчилари ўртасида муҳокамаларга сабаб бўлмоқда. Бундай модернизация ва профилактика ишлари заводда мунтазам равишда амалга оширилади ва бу корхона фаолиятининг нарх билан эмас, балки техник масалалари билан боғлиқ.
Аввалроқ UzAuto Motors Асакадаги заводда автомобиль ишлаб чиқариш вақтинча тўхтатилишини, завод модернизация қилиниб, автомобиль ишлаб чиқариш қувватлари оширилишини маълум қилганди. Жанубий Корея ва бошқа мамлакатлардан жалб этилган 170 нафар мутахассис билан ҳамкорликда модернизация ишлари олиб борилади.
Жараёнда янги ускуналардаги носозликларни бартараф этиш, ишлаб чиқариш линияларига техник хизмат кўрсатиш ва завод инфраструктурасини янгилаш ишлари бажарилади.
“Мазкур ишлар режалаштирилган ва истеъмолчиларга автомобилларни етказиб бериш жадвалига таъсир қилмайди”, — деган компания.
Аввалроқ жорий йилнинг январь—май ойларида энг кўп ишлаб чиқарилган автомобиль Cobalt (39 минг 264 дона) бўлгани хабар қилинганди. Кейинги ўринларда Lacetti (27 минг 961 дона) ва Damas (26 минг 815 дона) ишлаб чиқарилган.
Бироқ мазкур автомобиллар сотувда мавжуд эмас. UzAuto Motors 2022 йил 17 декабрда Cobalt, Lacetti, Damas автомобиллари сотувини тўхтатган. Компания 2023 йилдан Spark ва Nexia ўрнига Tracker ва Onix ишлаб чиқаришини маълум қилган.
Ҳозирда Tracker ва Onix сотувда мавжуд. Аммо нархи 200 миллион сўмдан юқори бўлган бу автомобиллар учун навбат катта бўлиб, тўлов қилган мижоз машинасини олишни 1—1,5 йил кутишига тўғри келади.
Изоҳ (1)
Жентрага шартнома качон чикишини билиб беринглар.Шарномани ёпилганига 7 ой булди. Аник маълумот олиш имкони бордир. Биз сурасак сайтларимизни кузатиб боринг дейишдан нарига утмайди булар. Рахмат !