Ўзбекистонда солиқ резиденти мақомини олган россияликлар сони 2022 йилда ўтган йилга нисбатан 32 фоизга ошди. Бу ҳақда Ўзбекистон Давлат солиқ қўмитаси ТАСС агентлигига маълум қилинган.
Маълум бўлишича, 2022 йилда Россиянинг 1 199 нафар фуқароси Ўзбекистон солиқ резиденти мақомини олган. Уларнинг 1 108 нафари (92 фоиз) юридик шахслар бўлса, 91 нафари жисмоний шахслардир (8 фоиз).
Ўзбекистонда солиқ резиденти мақомини олган россияликлар сони 32 фоизга ёки 289 нафарга ошган.
Резидент мақоми бир йилга берилади. Уни олиш учун солиқ қўмитасига ариза топшириш, шунингдек, Ўзбекистон ҳудудида йилига камида 183 кун ёки шу муддатга бошқа ҳар қандай давлатга қараганда кўпроқ вақт бўлиш керак.
Аввалроқ Солиқ қўмитаси Yandex Go’дан тушган даромад қандай тақсимланишини маълум қилганди.
Изоҳ (0)