O‘zbekistonda soliq rezidenti maqomini olgan rossiyaliklar soni 2022-yilda o‘tgan yilga nisbatan 32 foizga oshdi. Bu haqda O‘zbekiston Davlat soliq qo‘mitasi TASS agentligiga ma’lum qilingan.
Ma’lum bo‘lishicha, 2022-yilda Rossiyaning 1 199 nafar fuqarosi O‘zbekiston soliq rezidenti maqomini olgan. Ularning 1 108 nafari (92 foiz) yuridik shaxslar bo‘lsa, 91 nafari jismoniy shaxslardir (8 foiz).
O‘zbekistonda soliq rezidenti maqomini olgan rossiyaliklar soni 32 foizga yoki 289 nafarga oshgan.
Rezident maqomi bir yilga beriladi. Uni olish uchun soliq qo‘mitasiga ariza topshirish, shuningdek, O‘zbekiston hududida yiliga kamida 183 kun yoki shu muddatga boshqa har qanday davlatga qaraganda ko‘proq vaqt bo‘lish kerak.
Avvalroq Soliq qo‘mitasi Yandex Go’dan tushgan daromad qanday taqsimlanishini ma’lum qilgandi.
Izoh (0)