АПЛ. “Челси” ва “Тоттенҳэм”да ишончли ғалаба, “Ливерпуль” сафарда мағлуб бўлди

Футбол бўйича Англия Премьер Лигасининг 27-туридан ўрин олган ўйинлар 11 март, шанба куни ўтказилди.

“Челси” сафарда “Лестер” билан баҳс олиб борди. Учрашувнинг 11-дақиқасида Бен Чилуэл ҳисобни очди. 39-дақиқада Патсон Дака пенальтидан унумли фойдаланиб, мувозанатни тиклади. Биринчи бўлим сўнгида Ҳаверц лондонликларни ҳисобда олдинга олиб чиқди. 78-дақиқада Матео Ковачич ўйиндаги якуний ҳисобни ўрнатди. 

“Ливерпуль” эса “Борнмут”га имкониятни бой берди. Ўйиндаги ягона гол Фил Биллинг ҳисобига ёзилди. 

“Тоттенҳэм” “Ноттингем”ни 3:1 ҳисобида зафар қучди. “Шпорлар” сафида Сон битта гол урган бўлса, Ҳарри Кейн дубль муаллифига айланди. Меҳмонлар сафида Жо Уоррал ўз ҳисобига гол ёздириб қўйди. 

“Челси” очколари сонини 37 тага етказди ва 10-ўринни мустаҳкамлади. “Ливерпуль” эса 42 очко билан 5-поғонадан жой олган. “Тоттенҳэм” 48 очко билан 4-ўринни банд этган. 

АПЛ

27-тур баҳслари

11 март, шанба

“Лестер” – “Челси” 1:3

Голлар: 0:1 — 8 Чилуэл, 1:1 — 39 Дака (пенальти), 1:2 — 45 Ҳаверц, 1:3 — 78 Ковачич.

“Борнмут” – “Ливерпуль” 0:1

Гол: 1:0 – 28 Биллинг.

“Тоттенҳэм” – “Ноттингем Форест” 3:1

Голлар: 1:0 — 19 Кейн, 2:0 — 35 Кейн (пенальти), 3:0 — 62 Сон, 3:1 — 81 Уоррал.