Бугун,

  • USD 11095.31
  • RUB 173.84
  • EUR 10772.44

Перу армияси мамлакат бўйлаб давом этаётган норозилик намойишлари туфайли аэропортлар ва гидроэлектрстанциялари сингари муҳим инфратузилмаларни ҳимоя қилишга киришди, деб маълум қилди мудофаа вазири Альберто Отарола. Reuters хабарига кўра, мамлакатда Апуримак, Арекипа ва Куско аэропортлари ёпилган.

Фото: AP Photo

Фото: AP Photo

Бундан ташқари, Отароланинг сўзларига кўра, ҳукумат намойишлар пайтида тўсиб қўйилган автомобиль йўлларида фавқулодда ҳолат эълон қилмоқчи. У намойишчиларни тинч митинглар ўтказишга ва расмийлар билан мулоқотга чақирди. «Биз барча перуликларнинг эркин ҳаракатланишини таъминлаш мақсадида бутун мамлакат бўйлаб миллий йўл тармоғини назорат қилишни режалаштирмоқдамиз, шунингдек, улар Конституцияда кафолатланган ҳуқуқларидан етарли даражада фойдаланиши мумкин», — деди Мудофаа вазирлиги раҳбари. Унинг қўшимча қилишича, ҳарбийлар миллий полиция билан биргаликда Ика, Арекипа ва Андауайлас шаҳарларида тартибни таъминлайди.

Перуда фавқулодда ҳолат режими аллақачон Абанкае, Андауайлас, Чинчеро, Котабамбас, Антабамбае ва бошқа шаҳарларда жорий этилган. Шунингдек, Ика ва Арекипада ҳам фавқулодда ҳолат эълон қилиниши режалаштирилган.

Перудаги норозилик намойишлари декабрь ойи бошида, парламент (мухолифатчилар кўпроқ ўринга эга) президент Педро Кастилёга «доимий маънавий уқувсизлиги» туфайли импичмент эълон қилганидан кейин бошланди. У ҳибсга олинган. Кастилё бу айбловларни рад этди. Давлат раҳбарининг ваколатлари Перу вице-президенти Дина Болуартега ўтди, у 2024 йилда муддатидан олдин сайловлар ва конституциявий ислоҳотлар ўтказишни таклиф қилди.

Намойишчилар муддатидан олдин президентлик сайловлари ўтказиш ва парламентни тарқатиб юборишни талаб қилмоқда. Намойишлар чоғида етти киши ҳалок бўлган. Бундан ташқари, юздан ортиқ полициячи жароҳатланган.

Мавзуга доир: Перуда янги президентга қарши намойиш иштирокчилари аэропортни эгаллаб олди ва терминалларга ўт қўйди

Изоҳ
Асосий янгиликлар
Дунё
Европанинг қатор давлатлари Истанбулдаги консуллигини ёпди. Туркия тўққизта давлат элчисини ТИВга чақиртирди
Маҳаллий
Депутат Жаҳонгир Зияев “халқнинг устидан кулаётгани” ҳақидаги хабар ёлғон эканини айтди 
Маҳаллий
Ўзбекистонда Уруғчилик ҳамда пистачилик илмий марказлари ташкил этилади