Японияда 2022 йилнинг график рамзи сифатида «жанг» маъносини англатувчи «икуса» иероглифи танланди, деб ёзади «Коммерсантъ». Йил рамзи 1995 йилдан буён ҳар йили халқ томонидан овоз бериш йўли билан танланади.
Иероглифни ёзиш маросими Киотодаги буддавийлик ибодатхонасида бўлиб ўтди, у маҳаллий телеканаллар томонидан трансляция қилинди. Ибодатхона бош руҳонийси Сейхан Мори белгини 130 га 150 сантиметр катталигидаги қоғозга туширди.
Ушбу иероглифнинг танланиши сабабларидан бири сифатида, хусусан, коронавирус, Украинадаги ҳарбий ҳаракатлар, шунингдек, япониялик спортчиларнинг Пекин қишки олимпиадасидаги муваффақиятлари келтириб ўтилди.
Сўровда 220 минг киши қатнашди. Оммабоплик бўйича иккинчи ўринда «ан» иероглифи жойлашди, у қўлланилишига қараб, «арзон» ёки «хавфсиз» маъноларини беради. Учинчи ўринни эса «гаку» ёки «раку» деб ўқилувчи, «енгил, қувноқ» маъноларига эга бўлган иероглиф эгаллади.
2021 йил тимсоли «кин» — «олтин» иероглифи бўлган эди. У Токиодаги ёзги олимпия ўйинларида япон спортчилари томонидан қўлга киритилган рекорд даражада кўп олтин медаллар шарафига танланган эди.