Бугун,

  • USD 11095.31
  • RUB 173.84
  • EUR 10772.44

Швейцариянинг IMD бизнес мактаби юқори малакали мутахассислар учун мамлакатлар жозибадорлигини баҳоловчи World Таlent Ranking 2022 рейтингини эълон қилди.

Фото: Bloomberg

Фото: Bloomberg

Рейтингни тузишда IMD учта асосий омилга эътибор қаратади: инвестициялар ва ривожланиш (мамлакат ўз ходимларини тайёрлаш учун ажратадиган ресурсларни баҳолаш), жозибадорлик (ходимларни ишдаги харажатлари) ва атроф-муҳит ҳолати (мамлакатнинг меҳнатга лаёқатли аҳолиси эга бўлган кўникма ва малакалар даражаси).

Шундай қилиб, рейтингда олтинчи йил кетма-кет биринчи ўринни Швейцария эгаллаб турибди. Мамлакат сиёсатнинг барқарорлиги ва прогнозлилиги, ишчи кучининг таълим даражаси ва малакаси бўйича етакчи.

Иккинчи ўринни Швеция, учинчи ўринни Исландия эгаллади. Бундан ташқари, Швеция 2022 йилда ушбу рейтинг бўйича тўрт поғонага кўтарилди.

Ушбу рейтингда Норвегия учинчи ўринда, Дания эса бешинчи ўринда жойлашган.

63 та мамлакат киритилган ушбу рўйхатда Марказий Осиё минтақасидан фақатгина Қозоғистон жой олган. У рейтинг бўйича ўтган йилгидан 2 поғонага юқорилаб, 39-ўринга чиққан.

Россия ва Украинадаги вазиятни ишончли баҳолашнинг имкони йўқлиги сабабли улар бу йилги мониторингга киритилмаган.

Лекин рейтинг 2022 йилнинг февраль ва сентябрь ойларида Украинада уруш бошланиши ва сафарбарлик муносабати билан россияликлар оммавий равишда чиқиб кетган давлатларнинг позицияларини акс эттиради.

Келажакда таълим даражасининг мамлакатлар жозибадорлиги омили сифатидаги аҳамияти пасаяди — глобаллашув ва жаҳон ҳамкорлиги туфайли кўрсаткич қийматларидаги тафовут доимий равишда торайиб бормоқда.

Ҳаёт сифати ва иқтисодий барқарорлик бугунги кунда ҳал қилувчи омилларга айланиб бормоқда.

2018 йилдан 2022 йилгача бўлган даврда Саудия Арабистони (30-ўрин) жозибадорлик даражасини энг кўп оширишга муваффақ бўлди — ҳаёт сифатини яхшилаш орқали худди шу кўрсаткич Чехия, Словакия, Мўғулистон ва Хорватия рейтингидаги ўрнини яхшилади.

Аввалроқ яшаш учун энг қиммат дунё шаҳарлари рейтинги эълон қилингани ҳақида хабар берилганди.

Изоҳ
Асосий янгиликлар
Маҳаллий
АОКА “Human.uz” журналистлари билан боғлиқ ҳолат юзасидан муносабат билдирди 
Маҳаллий
Ўзбекистонда чиқинди газидан электр ишлаб чиқариш йўлга қўйилади 
Дунё
Путин йўқотишларга қарамай, баҳорда Украинага қарши янги ҳужумни режалаштирмоқда — Bloomberg