Бугун,

  • USD 11095.31
  • RUB 173.84
  • EUR 10772.44

АҚШ Россия ҳудудига зарбалар бўйича Украинага нисбатан талабларга ёндашувини ўзгартирди, деб ёзади The Times ўз манбаларига таяниб. Газета қайд этишича, энди Вашингтон фақат россиялик оилаларга ҳужум қилмасликни ва муайян шахсларни йўқ қилмасликни сўрамоқда.

Арлингтондаги Пентагон биноси

Арлингтондаги Пентагон биноси
Фото: Global Look Press

Ҳозир АҚШ Украинанинг Россияга зарбалари низони кучайтириб юборишидан камроқ хавотирланмоқда. «Низо кучайиб кетишидан қўрқиш аввалгидан камайди. Вазият ўзгарди», — деди газета манбаси.

Нашр суҳбатдоши таъкидлашича, Вашингтон Киевни Россияда «русларга зарбалар бермаслик»ка чақирмаяпти, шунингдек, АҚШ Украинага «нима қилиши кераклиги»ни айта олмайди. Унинг сўзларига кўра, Киев «ўз қуроли»ни қандай қўллашини ўз ҳал қилиши керак. АҚШ томонидан тақдим этилган қурол-яроғни ишлатишда Вашингтон фақат «уруш бўйича халқаро қонунларга ва Женева конвенциясига» риоя қилишни сўрамоқда. Бу россиялик оилаларга зарбалар бермаслик ва муайян шахсларни йўқ қилмасликни ҳам англатади. «Билишимизча, Украина бу кўрсатмаларга амал қилмоқда», — дея қўшиб қўйди агентлик манбаси.

АҚШ Украинага қурол етказиб бераётиб, ундан Россия ҳудудига зарбалар бееришда фойдаланмасликни талаб қилганди. Шундан келиб чиқиб, тақдим этилаётган техника турлари ҳам чекланган эди.

Россия АҚШ ва иттифоқдошларини қуроллар билан мўлжалга олишда Украинага ёрдам беришда айбламоқда. Россиянинг БМТдаги доимий вакили Василий Небензя аввалроқ америкаликлар HIMARSни қўллашда иштирок этаётгани ва у билан мўлжалга олиш Америка ҳарбий сунъий йўлдошлари ёрдамида амалга оширилаётганини айтганди.

Бундан ташқари, дипломат даъво қилишича, Россиянинг Дягилево ва Энгельс аэродромларига АҚШ сунъий йўлдошлари маълумотларидан фойдаланган ҳолда дронлар билан ҳужум қилинган. Небензя АҚШ ва иттифоқдошларини «муайян ҳуқуқий оқибатлар» ҳақида огоҳлантирди. АҚШ Давлат департаменти эса Россия аэродромларига зарбалар фонида Вашингтон Киевни Украинадан ташқаридаги нишонларга ҳужум қилишга рағбатлантирмаётганини айтди.

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Маҳаллий
Шавкат Мирзиёев ҳарбий хизматга навбатдаги чақирув бўйича қарорни имзолади