Бугун,

  • USD 11095.31
  • RUB 173.84
  • EUR 10772.44

Швеция НАТОга қўшилгандан сўнг «жамоавий мудофаага ҳисса қўшишга» интилади, шу жумладан, альянснинг Европа Иттифоқи шарқий чегарасидаги иштирокини оширишга ёрдам беради, деди мамлакат Мудофаа вазири Пол Ёнсон.

Фото: «ТАСС»

Фото: «ТАСС»

«Барча суверен давлатлар ўзини ҳимоя қила олиши зарур ва мен шуни айтган бўлардимки, кўпроқ миллий хатарларни зиммага олиш кераклиги ҳақида тушунча мавжуд», — деди Мудофаа вазирлиги раҳбари.

Ёнсоннинг сўзларига кўра, сентябрь ойидаги парламент сайловларидан сўнг тузилган янги ҳукумат учун энг муҳим масала — НАТОга аъзо бўлиш. У, шунингдек, альянсга аъзо давлатлар учун ҳар қандай ҳужумга қарши турадиган «НАТО жамоавий мудофааси» тийиб турувчи восита сифатида «мутлақо зарур» эканини таъкидлади.

Ёнссон мудофаа харажатларини ошириш ҳақида гапирар экан, Швеция НАТО томонидан қўйилган мақсадни амалга оширишни режалаштираётганини таъкидлади: 2026—2028 йилларда мудофаа харажатларини ялпи ички маҳсулотнинг 2 фоизига етказиш. Ҳозирда бу кўрсаткич мамлакатдаги ЯИМнинг 1,3 фоизини ташкил этади.

Финляндия ва Швеция май ойида НАТОга кириш учун ариза топширганди. Бу жараён альянснинг барча 30 аъзоси томонидан ратификация талаб қилади, бироқ Венгрия ва Туркия буни маъқулламаган.

Финляндия ташқи ишлар вазири Венгрия икки мамлакатнинг альянсга қўшилишини февраль ойи бошида маъқулламоқчилигини таъкидлаб, «ҳаммаси баҳорда ҳал бўлишига», жумладан Туркия томонидан тегишли ҳужжат ратификация қилинишига умид билдирганди.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Маҳаллий
Ўзбекистонда доллар курси яна ошди