Беларусь президенти Александр Лукашенко Евросиё иқтисодий иттифоқи саммитига пиёда келди. Қирғизистонлик ҳамкасби Садир Жапаровнинг саволига жавобан, у Ғарб автосаноати устидан шикоят қилди.
«Кечикмадимми? Mercedes ўт олиши қийин (кучсиз), пиёда келавердим», — деди сиёсатчи.
Россия, Арманистон, Қозоғистон етакчилари конгресс-холлга автомобилларда етиб келган. Аммо Беларусь президенти бино кириш учун зинадан кўтарилаётганида, унинг машинаси кўринмаган.
Маълумотларга кўра, Владимир Путин саммитга Россияда ишлаб чиқарилган ва бир неча йиллардан буён фойдаланиб келаётган Aurus автомобилида келган.
Евросиё иқтисодий иттифоқи мажлиси бугун, 9 декабрь куни Бишкекда бўлиб ўтмоқда. Унда Россия, Беларусь, Қозоғистон, Қирғизистон президентлари ва Арманистон бош вазири қатнашмоқда. Кузатувчи мамлакатлардан Ўзбекистон бош вазири иштирок этмоқда, Куба президенти эса видеомурожаат билан чиқиш қилади.
Изоҳ (0)