Бугун,

  • USD 11095.31
  • RUB 173.84
  • EUR 10772.44

Жаҳон эстрадаси юлдузи Селин Дионга кам учрайдиган бедаво касаллик – ригидлик синдроми ташхиси қўйилди. Бу ҳақда хонанда Instagram’даги саҳифасида сўзлаб берди.

Фото: Pinterest

Фото: Pinterest

54 ёшли хонанданинг сўзларига кўра, у энди қўшиқ куйлай олмайди. Чунки унда доимо мушаклар оғриғи кузатилади. Бу эса келажакда нафақат хонандалик, балки кундалик фаолиятни амалга оширишга ҳам тўсқинлик қилиши мумкин. Масалан, юриш, машина ҳайдаш ва ҳатто овқатланиш каби.

«Яқинда менда жуда кам учрайдиган ригидлик синдроми деб аталувчи неврологик касаллик аниқланди. Ушбу касаллик миллиондан бир кишида кузатилади.

Хасталик ҳақида энди маълумотга эга бўлаётган бўлсак-да, мендаги спазмларни айнан у келтириб чиқараётганидан хабар топдик. Афсуски, ушбу спазмлар кундалик ҳаётимнинг ҳар бир аспектига таъсир кўрсатади. Баъзан оғриқлар туфайли юра олмаяпман ёки улар овоз мушакларимга зарар етказиб, қўшиқ айтишимга халақит бермоқда.

Шу муносабат билан сизларга Европа бўйлаб февраль ойига режалаштирилган гастролларимни ўтказа олмаслигимни изтироб билан маълум қиламан.

Яна сизлар билан алоқага чиқа олишим учун айни пайтда бор эътиборимни соғлиғимга қаратишдан бошқа иложим йўқ. Умид қиламанки, мен тузалишга элтадиган йўлдаман. Бу менинг мақсадим ҳамда куч-қувватга кириш учун қўлимдан келган барча ишни қиламан», — дейди 54 ёшли хонанда.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Маҳаллий
Ўзбекистонда доллар курси яна ошди