Бугун,

  • USD 11095.31
  • RUB 173.84
  • EUR 10772.44

Жорий йилнинг 7 декабрь куни соат 07:15 да «Ўзбекнефтгаз» АЖ ишлаб чиқариш объектларини таъминлаб турган «ШГКМ 220/110/6 кВ» подстанциясидан чиқувчи «Кимё-1» 110 кВ ҳаво электр узатиш тармоғида электр энергиясининг қисқа муддатли ўчиши содир бўлди.

Бунинг натижасида, жамият тасарруфидаги «Шўртан нефть ва газ қазиб чиқариш бошқармаси»га қарашли 1-сонли «Шўртан» (Бетман) сиқув компрессор станциясидаги 100 ва 200-сонли газ ҳайдаш агрегатлари, 2-сонли «Шўртан» (KMPO) сиқув компрессор станциясидаги 200 ва 500-сонли газ ҳайдаш агрегатлари, «Шимолий Нишон» сиқув компрессор станциясидаги 100, 200, 300 ва 400-сонли газ ҳайдаш агрегатлари ва «Шўртан» бош иншоатида жойлашган товар газни магистарал газ қувурларига ҳайдаш учун мўлжалланган сиқув компрессор станциясидаги 300-сонли газ ҳайдаш агрегати (жами 9 та газ ҳайдаш агрегатлари), ҳамда 1-сонли «Пропан бутан аралашмасини ажратиб олиш қурилмаси» меъёрий иш режимидан авариявий ҳолатда тўхтади.

Ушбу ҳолат, «Шўртан нефть ва газ қазиб чиқариш бошқармаси» томонидан қазиб ва ишлаб чиқарилаётган углеводородлар ҳажмига салбий таъсир кўрсатиб, соатига 400-500 минг куб метр табиий газ 40 тонна газ конденсати, 25 тонна суюлтирилган газ маҳсулотлари қазиб ва ишлаб чиқарилмаслигига олиб келди.

Кўрилган тезкор чоралар натижасида газ ҳайдаш агрегатлари тўхтаб туриш вақтида, «Шўртан нефть ва газ қазиб чиқариш бошқармаси» томонидан «Шўртан газ кимё мажмуаси» ва «Uzbekistan GTL» МЧЖ заводларига етказиб берилаётган хом ашё гази бир маромда етказиб бериш орқали, ушбу заводларни авариявий ҳолатда тўхтаб қолиши олди олинди.

Электр таъминоти қайта тиклангандан сўнг, бошқарманинг малакали мутахассислари томонидан олиб борилган саъйи ҳаракатлари натижасида, тўхтаб турган газ ҳайдаш агрегатлари ва технологик қурилмалар бирин-кетин регламент асосида ишга тушириш ишлари олиб борилмоқда. Ҳозирда технологик қурилмаларни тўлиқ иш режимида ишлашини таъминлаш бўйича барча зарурий ишлар олиб борилмоқда ва «Ўзтрансгаз» АЖ магистрал газ қувурларига табиий газ етказиб бериш ҳажми босқичма-босқич тикланмоқда.

Авариявий ҳолатни бартараф этиш учун барча чоралар кўрилмоқда ва бугуннинг ўзида қурилмаларнинг меърий иш режими тикланишига эришиш чоралари кўрилмоқда.

«Ўзбекнефтгаз»АЖ матбуот хизмати

Изоҳ
Асосий янгиликлар
Спорт
Энтони Жошуанинг навбатдаги рақиби ва жанги санаси маълум бўлди
Иқтисодиёт
Uzbekistan Airways Нью-Йоркка парвозлар учун 20 фоизлик чегирма эълон қилди
Иқтисодиёт
Ўзбекистонда 2023 йилда инфляция 8,5—9,5 фоиз атрофида бўлиши кутилмоқда