Глобал инфляция ўзининг энг юқори даражасига етган — Financial Times

Асосий иқтисодий кўрсаткичларни таҳлил қилиб, экспертлар билан суҳбат ўтказган Financial Times (FT) газетасига кўра, глобал инфляция энг юқори чўққига чиққан ва секинлашишда давом этиши кутилмоқда. 

Шундай қилиб, Германияда октябрь ойида улгуржи ишлаб чиқарувчилар нархлари ўтган ойга нисбатан 4,2 фоизга камайди — бундай пасайиш 1948 йилдан бери рекорддир. 

Буюк Британия ва АҚШда улгуржи ишлаб чиқарувчилар нархлари ҳам ўтган ёзга нисбатан пасайган.

FT’нинг қайд этишича, деярли барча G20 мамлакатларида улгуржи ишлаб чиқарувчилар нархлари октябрь ойида, шу жумладан, Испания, Мексика, Португалия ва Польша каби мамлакатларда сентябрь ойига нисбатан пасайган. 

Moody’s Analytics бош иқтисодчиси Марк Занди Инфляция энг юқори чўққисига чиқиб улгурганини таъкидлади.

Унинг сўзларига кўра, энг юқори даражага эришиш инфляциянинг келгуси ойларда секинлаша бошлашини англатади. 

Capital Economics етакчи таҳлилчиси Женнифер Маккеоннинг фикрича, инфляция келгуси йилда талабнинг камайиши натижасида товарлар нархининг пасайиши туфайли секинлаша бошлайди. 

Бизнинг ҳисоб-китобларга кўра, энергия ва озиқ-овқат бозорларидаги мавжуд вазият келгуси олти ой ичида истеъмол нархларига таъсир қила бошлайди ва ривожланган мамлакатларда инфляцияни тахминан 3 фоизга камайтиради, — деб ҳисоблайди Маккеон хоним.

Мавзуга доир: 

• Зимбабведа 280,4 фоиз: Дунё мамлакатларида нархлар қанчалик тез ўсмоқда?
• Японияда инфляция 40 йиллик рекорд даражага етди