Бугун,

  • USD 11095.31
  • RUB 173.84
  • EUR 10772.44

Эрон парламенти мамлакатнинг Шанхай ҳамкорлик ташкилотига (ШҲТ) қўшилиши ҳақидаги қонун лойиҳасини маъқуллади. Парламентнинг очиқ мажлисида Эрон ҳукуматининг ШҲТга аъзо бўлиши ҳақидаги қонун лойиҳаси бўйича Миллий хавфсизлик ва ташқи сиёсат комиссиясининг ҳисоботи кўриб чиқилди. Ислом кенгаши вакиллари ШҲТга киришни маъқуллади, деб хабар бермоқда Tasnim. Ҳужжатни қабул қилиш учун 205 нафар депутат овоз берган.

Фото: «Новости Армении»

Фото: «Новости Армении»

«Келгусида ташкилотнинг мажбурий ҳужжатлари ҳам конституцияга мувофиқ парламентда кўриб чиқилади», — деди парламентнинг миллий хавфсизлик комиссияси матбуот котиби Аболфазл Амуи. Унинг тушунтиришича, Эрон ШҲТга аъзо бўлиш учун ташкилот яратилганидан буён унда тасдиқланган ҳужжатларни тан олиши керак.

ШҲТ 2001 йил 15 июнда Хитой, Россия, Қозоғистон, Тожикистон, Қирғизистон ва Ўзбекистон раҳбарлари томонидан ташкил этилган халқаро ташкилот. Кейин Ҳиндистон ва Покистон ШҲТга қўшилди.

Шанхай Ҳамкорлик Ташкилотининг 2022 йилги саммити 15—16 сентябрь кунлари Самарқандда бўлиб ўтди. Унда меҳмон бўлган Эрон президенти Иброҳим Раисий ташкилотдаги мажбуриятлар тўғрисидаги меморандумни имзолаган.

Изоҳ
Асосий янгиликлар
Маҳаллий
Ота боласини, ака укасини танимайди, чанг-тўзон, терлаб-пишиб ҳар ким улоқни тақимига босиш қайғусида” — Пискентдаги кўпкаридан фоторепортаж
Маҳаллий
Туркиядаги даҳшатли зилзилада 3 419 киши ҳалок бўлди — воқеа тафсилотлари (видео)
Маҳаллий
Ангренда 19 ёшли қиз ўз жонига қасд қилди