Қисман тан олинган Тайван президенти Сай Инвен ҳукмрон Демократик прогрессив партия (ДПП) маҳаллий сайловларда мағлубиятга учрагач, партия раҳбари лавозимини тарк этди.
Сай хоним 26 ноябрь куни кечқурунги қисқа нутқида истеъфога чиқишини маълум қилди ва тарафдорларига миннатдорлик билдирди. Президент ўша куни якунланган сайловга номзодларни ўзи танлагани учун жавобгарликни ўз зиммасига олишини айтди.
Associated Press маълумотларига кўра, ДППнинг мағлубияти пандемия билан кураш натижаларига ҳам қисман боғлиқ бўлиши мумкин. «Тайван пандемиянинг олдини олишга муваффақ бўлганига қарамай, бу борада ДППга нисбатан жамоатчилик норозилиги бор», — деди Вейхао Хуан, Миллий Сун Яцен университетининг сиёсатшунослик бўйича профессори.
Тайванликлар 13 округ ва 9 шаҳарда мерлар, шаҳар кенгашлари аъзолари ва бошқа маҳаллий вакилларни сайлади. Шунингдек, сайлов ёшини 20 дан 18 га тушириш бўйича референдум ҳам ўтказилди.
Изоҳ (0)