Бугун,

  • USD 11095.31
  • RUB 173.84
  • EUR 10772.44

Жанубий Африкада иммун тизими заифлашган одамдан олти ой давомида олинган COVID-19 намуналаридан фойдаланилган ҳолда лаборатория тадқиқоти ўтказилди. Натижалар эса вируснинг янада ривожланиб кетгани ва бу янги вариант ҳозирда доминант бўлиб турган омикрон штаммига қараганда кўпроқ касалликка олиб келиши мумкинлигини кўрсатди.

Фото: Bloomberg

Фото: Bloomberg

Жанубий Африканинг Дурбан шаҳридаги Африка Соғлиқни сақлаш тадқиқот институтида Алекс Сигал томонидан олиб борилган тадқиқот ҳали кенг миқёсда кўриб чиқилмаган ва фақат бир шахсдан олинган намуналар бўйича лаборатория ишларига асосланган.

Сигал ва бошқа олимлар илгари Африка жанубида аниқланган бета ва омикрон каби вариантлар иммунитети заиф одамларда, жумладан, ОИВ билан касалланганларда пайдо бўлган бўлиши мумкинлигини илгари сурган эди. Уларнинг таъкидлашича, бу одамлар касалликдан халос бўлишлари учун узоқ вақт керак бўлиши штаммнинг мутацияга учрашига ва антитаначаларга чап беришига кўмаклашади.

Бу вариант ҳозирги омикрон штаммларига қараганда патогенроқ бўлиши мумкин, — дейди тадқиқотчилар ўз хулосаларида.

Ҳозирда дунё бўйлаб коронавирусга қарши чекловлар қисқартирилмоқда. Пандемия бошланганидан икки ярим йил ўтгач, БАА ноябрь ойи бошида деярли барча чекловларни олиб ташлаган.

Жаҳон соғлиқни сақлаш ташкилоти келажакда пандемияга олиб келиши мумкин бўлган ҳар қандай вирусни аниқлашга ҳаракат қилмоқда. У келажакдаги пандемия ва кейинги глобал тиббий таҳдидларни ўрганиш учун 300 дан ортиқ олимлар гуруҳини тўплаган.

Изоҳ
Асосий янгиликлар
Маҳаллий
АОКА “Human.uz” журналистлари билан боғлиқ ҳолат юзасидан муносабат билдирди 
Маҳаллий
Ўзбекистонда чиқинди газидан электр ишлаб чиқариш йўлга қўйилади 
Дунё
Путин йўқотишларга қарамай, баҳорда Украинага қарши янги ҳужумни режалаштирмоқда — Bloomberg