Бугун,

  • USD 11095.31
  • RUB 173.84
  • EUR 10772.44

«Толибон» ташкилоти сўнгги ўн йил мобайнида Қатарга футбол бўйича 2022 йилги жаҳон чемпионати учун стадионлар қуришга техника етказиб берган. Бу ҳақда The Telegraph ҳаракат вакилларига таяниб хабар берди.

Доҳа, Қатар

Доҳа, Қатар
Фото: Global Look Press

ЖЧ-2022 Қатарда бўлиб ўтиши ҳақида FIFA 2010 йилда эълон қилган. Газета эслатишича, «Толибон»нинг бир қатор раҳбарлари 2013 йилдан буён Доҳада яшаб, у ерда АҚШ ва БМТ билан узундан-узоқ тинчлик музокараларини олиб борган.

Нашр манбасига кўра (у ҳам 2021 йил ёзида толиблар Афғонистонда ҳокимиятни эгаллаб олгунига қадар бўлган ўн йил давомида Қатар пойтахтида яшаган), «Толибон» ЖЧ арафасида «қурилишга катта маблағлар киритган», қурилиш фирмалари эса техника сотиб олиш ва ижарага олиш учун ҳаракатга «миллионлаб» пул тўлаган.

Telegraph’нинг иккита манбаси даъво қилишича, Қатар ҳукумати «Ғарб билан тинчлик музокараларига ҳисса қўшиш бўйича саъй-ҳаракатлар доирасида» АҚШ ва БМТнинг розилиги билан «Толибон»нинг сиёсий офиси аъзоларига бир неча минг доллар миқдорида ойлик пул таъминоти бериб турган. Шунингдек, уларга йўлтанламаслар, бепул тиббий хизмат ва мунтазам озиқ-овқат етказмалари тақдим этилган.

Дастлаб толибларга нақд кўринишида пул тўланган, кейин эса банк ҳисобларига ўтказилган, шу сабабли АҚШ ва Қатар ҳукумати маблағларнинг кейинги ҳаракатларини кузатишга қийналган. Нашр суҳбатдошларининг айтишича, толиблар бу маблағларга қурилиш техникасини сотиб олган. Кейин эса уларни ЖЧ учун инфратузилма қуриш билан шуғулланаётган компанияларга қайта сотган.

Газета ёзишича, Доҳа толибларга тўловлар АҚШ билан келишилган ҳолда назорат қилинишини талаб этмоқда. Қатар ҳукумати қандайдир қонун бузилишларига алоқадор бўлиши ммукинлиги ҳақида ҳеч қандай маълумотлар йўқ. «Толибон» вакили нашр билан суҳбат чоғида ҳаракат аъзолари Қатарга ЖЧ-2022 учун қурилмаларни тақдим этганини рад этди.

Футбол бўйича жаҳон чемпионати 20 ноябрь куни бошланди. У 18 декабрга қадар давом этади. Қатар турнирга мезбонлик қилиш ҳуқуқини қўлга киритган биринчи араб мамлакатига айланди.

Изоҳ
Асосий янгиликлар
Дунё
Украина ташқи ишлар вазири Путиннинг “Зеленскийни ўлдирмаслик” бўйича берган ваъдасига муносабат билдирди
Спорт
А Серия. Элдор Шомуродовнинг дебют ўйинида “Специя” ўзида “Наполи”га йирик ҳисобда ютқазди
Дунё
Marsдан ҳам совуқроқ: АҚШда ҳаво ҳарорати тарихий рекордни янгилади (видео)