Бугун,

  • USD 11095.31
  • RUB 173.84
  • EUR 10772.44

Ижтимоий тармоқларда 20 ноябрь куни «Фарғонада тарих йўқ қилинмоқда» сарлавҳали танқидий мақола эълон қилинган эди. Ҳолат юзасидан Фарғона вилояти маданий мерос бошқармаси томонидан ўрганиш ишлари олиб борилди.

Фото: Telegram

Фото: Telegram

Аниқланишича, Қува тумани «Тошкент» маҳалла фуқаролар йиғини ҳудудида жойлашган «Қува шаҳристони» археология ёдгорлиги Вазирлар Маҳкамасининг 2019 йил 4 октябридаги «Моддий маданий мероснинг кўчмас мулк объектлари миллий рўйхатини тасдиқлаш тўғрисида»ги қарорига асосан давлат мулки сифатида муҳофазага олинган.

21 ноябрь куни Фарғона вилоят прокуратураси, Маданий мерос бошқармаси ва тегишли ташкилотлар масъуллари иштирокида жойига чиққан ҳолда ўрганиш олиб борилганда мазкур объектнинг муҳофаза ҳудудида маҳаллий тадбиркор томонидан ноқонуний равишда оқова тармоғини тортиш ишлари олиб борилаётгани аниқланди ва жойида тўхтатилди.

Фото: Telegram

Фото: Telegram

«Қува шаҳристони» археология ёдгорлиги милоддан аввалги IV аср, милодий V-VII-XIII асрларга тегишли маданий мерос объекти бўлиб, мазкур объектнинг муҳофаза ҳудудидан «Фарғона қурилиш инвест лойиҳа» МЧЖ томонидан белгиланган тартибда ваколатли органнинг рухсатномасини олмаган ҳолда қувур (канализация) ўтказиш учун қазиш ишлари олиб борилган.

«Маданий мерос объектларини муҳофаза қилиш ва улардан фойдаланиш тўғрисида»ги қонуннинг 24- моддасида маданий мерос объектлари жойлашган ерларда ҳамда уларга туташ ҳудудларда ер қазиш, ер тузиш, қурилиш, мелиорация, хўжалик ишлари ва бошқа ишларни амалга ошириш учун Маданий мерос агентлигининг руҳсатномасини олиш лозимлиги белгиланган. Шунингдек, Давлат архитектура ва қурилиш қўмитаси буйруғи билан тасдиқланган 40-сонли «Шаҳарсозлик нормалари ва қоидалари»нинг 333-бандида Маданий мерос объектларидан транспорт ва муҳандислик коммуникацияларигача бўлган масофалар мураккаб рельеф шароитида — 100 м, текис рельефда 50 метргача деб кўрсатилган.

Фото: Telegram

Фото: Telegram

«Фарғона қурилиш инвест лойиҳа» МЧЖ томонидан мазкур талаблар бузилган ҳолда ёдгорлик муҳофаза ҳудудида ноқонуний қазишма ишлари олиб борилгани аниқланиб, унга кўра, вилоят Маданий мерос бошқармаси томонидан жамият раҳбарига нисбатан Маъмурий жавобгарлик тўғрисидаги кодекснинг 64-моддаси (моддий маданий мерос объектларини муҳофаза қилиш ва улардан фойдаланиш қоидаларини бузиш) билан маъмурий жавобгарлик тўғрисида иш қўзғатилиб, мазмунан кўриб чиқиш учун Қува тумани судига юборилган.

Бундан ташқари, «Қува шаҳристони» археология ёдгорлигининг «Ғалаба» МФЙ ҳудуди қисмидаги муҳофаза минтақасининг узинлиги тахминан 70 метр, эни 4 метр бўлган қисмига савдо дўконларига мўлжалланган пойдевор қуриш ишлари олиб борилган.

Ҳозирда туман ИИБ ТБ томонидан мазкур қурилиш ишларини қонунийлигини ўрганиш бўйича ҳужжатлар тўпланиб, терговга қадар текшириш ҳаракатлари олиб борилмоқда.

Мавзуга доир:

Изоҳ
Асосий янгиликлар
Спорт
Искандаров — энг яхши футболчи, Кападзе — энг яхши мураббий. Ўзбек футболида 2022 йилнинг энг яхшилари аниқланган маросимдан фоторепортаж
Маданият
Фарзандидан айрилган, 3 соат ухлаган, ҳожатхонада фаррошлик қилган: муваффақиятга эришиш йўлида турли қийинчиликлардан ўтган юлдузлар (фото)
Маҳаллий
«Сирдарёда бир сўм ҳам ўғирланмайдиган, коррупциясиз тизим яратилиши керак» — Сардор Умурзоқов