Фарғонада ёш келин-куёв ис газидан заҳарланиб, вафот этди

Фарғона вилоятининг Бувайда туманида ёш келин-куёв ис газидан заҳарланиб, вафот этди. Бу ҳақда Бош прокуратура матбуот котиби Ҳаёт Шамсутдинов хабар берди.

Бош прокуратура ахборот хизмати раҳбарининг «Дарё» сўровига асосан маълум қилишича, 24 ноябрь куни соат 08:30 ларда Бувайда тумани прокуратурасига эр-хотин ис газидан заҳарланиб, вафот этгани ҳақида хабар келиб тушган.

Ёнғинга қарши кураш жамияти туман ҳудудий бўлими техник хавфсизлиги муҳандисининг хулосасига кўра, мазкур иситиш мосламаси ёқилган ҳолда бўлган. Унинг дудбурони ностандарт ҳолатда ташқарига чиқарилгани натижасида газ тўлиқ ёнмасдан, ис гази назоратсиз ҳолатда хона ичкарисига тарқалишига сабабчи бўлган.

Суд-тиббий экспертизасининг дастлабки маълумотномасига кўра, 23 ёшли А.А. ва унинг 17 ёшли аёли У.Н.нинг ўлими ис газидан ўткир заҳарланиш оқибатида юзага келгани аниқланган.

Мазкур ҳолат юзасидан Бувайда тумани прокуратураси томонидан терговга қадар текширув ҳаракатлари олиб борилмоқда.

Мавзуга доир:

• Намангандаги хонадонда уч киши ис газидан заҳарланиб вафот этди
• Қашқадарёда 17 ёшли қиз ижарадаги уйида ис газидан заҳарланиб вафот этди