Шавкат Мирзиёев 25 ноябрь куни Навоий вилоятига жўнаб кетди, деб хабар бермоқда президент матбуот хизмати.
Маълум қилинишича, ташриф давомида халқ депутатлари вилоят кенгаши йиғилишида иштирок этиш, саноат корхоналари фаолияти билан танишиш, янги лойиҳаларни ишга тушириш ҳамда халқ билан мулоқот режалаштирилган.
Давлат раҳбари вилоятга сўнгги марта 2021 йилнинг августида ташриф буюрганди. Ўшанда вилоятда қуёш фотоэлектр станцияси ва кимё саноати корхоналари ишга туширилганди. Президент мавжуд корхоналар фаолияти билан танишиб, аҳоли билан мулоқот қилганди.
Изоҳ (0)