«Асакабанк» АЖ йирик компаниялар, микро ва кичик бизнес субъектлари учун 1 йилгача муддатга хом ашё сотиб олиш учун, шунингдек, амалга ошириладиган йирик лойиҳалар бўйича асбоб-ускуналар етказиб бериш учун узоқроқ муддатга постмолиявий аккредитивлар расмийлаштиради.
Бунинг учун «Асакабанк» АЖ АҚШ, Европа Иттифоқи, Буюк Британия, Хитой, Корея ва Япониянинг 40 дан ортиқ етакчи хорижий банклари билан корреспондент алоқалар ўрнатган, шунингдек йиллик айланмаси 1 млрд АҚШ доллардан ортиқ бўлган 20 дан ортиқ савдони молиялаштириш йўналишларидан фаол фойдаланмоқда.
Банк мижозлари орасида автомобилсозлик, кимё, тўқимачилик саноати ва қишлоқ хўжалиги йўналишидаги йирик корхоналар мавжуд. 2022 йилнинг 10 ойи давомида 25 та йирик мижозлар томонидан 350 дан ортиқ амалиётлар амалга оширилди.
Аккредитив – харидор ва сотувчи ўртасидаги ҳар икки томонни ҳимоя қилувчи махсус тўлов шаклидир. Ушбу маҳсулотнинг афзаллиги – шартномада келишилган барча шартлар бажарилгач сотувчига тўловнинг кафолатланганидадир. Шу билан бирга, қоидага кўра, харидорнинг пул маблағлари пул айланмасидан чиқарилмайди ва мижоз улардан айланма маблағлари ёки товар айланмаси учун фойдаланиши мумкин, — дея изоҳ берди «Асакабанк» АЖнинг Кичик бизнесга хизмат кўрсатиш департаменти директори Бекзод Туракулов.Шунингдек, «Асакабанк» АЖ сўнгги йилларда ўзининг постмолиявий тизимини йўлга қўйган ва шу тариқа йирик бизнес субъектлари учун ҳам, микро ва кичик корхоналар учун ҳам тегишли бўлган ички товар ва хизматлар етказиб бериш бўйича турли постмолиявий хизматлар кўрсатиши мумкин дея қўшимча қилди.
Хизматдан фойдаланиш учун ҳавола орқали ариза қолдиришингиз ёки кўриб чиқиш учун банк сайтига ўтишингиз мумкин.
Қўшимча маълумот учун 1152 қисқа рақамига орқали олишингиз мумкин.
Реклама ҳуқуқи асосида.
Изоҳ (0)