ISHONCH дўконлар тармоғи республикада аҳолининг яшаш шароитини янада яхшилаш ва қулайлаштириш, янги имкониятлар билан таъминлаш йўлида ўзининг фаолият кўламини кенгайтириб бормоқда. Жорий йилнинг 11 ноябрь куни Бухоро вилоятининг Қоракўл туманида дўконлар тармоғининг янги очилган савдо дўкони бунинг яққол мисолидир. Айтиб ўтиш жоизки, айни пайтда республика бўйлаб жами 66 та филиал хизмат кўрсатиб келмоқда.
Янги филиалнинг очилиш маросими одатдагидек жуда файзли ва байрамона муҳитда ўтиб, ташриф буюрган меҳмонлар кенг ассортиментда тақдим этилган маҳсулотлар ва нархлар билан танишиш имкониятига эга бўлди. Шу билан бирга, фақат очилиш куни харидорларга ажойиб қулайлик – исталган турдаги маҳсулотни 20 фоизгача чегирма билан харид имконияти тақдим этилди.
ISHONCH компанияси дўконларда маҳсулотларнинг етарлича ва кенг миқдорда бўлишини, ҳар бир харидор қулай шартларда керакли буюмни ёки техника жиҳозини харид қила олишини фаолиятининг асосий тамойилларидан бири сифатида белгилаган. Бу маҳсулотларнинг кенг танловида ўз аксини топган: маиший техника жиҳозлари, замонавий гаджетлар, уй ва рўзғор учун буюмлар, уй ва офис учун турли ҳил мебель жиҳозлари, қурилиш материаллари, спорт анжомлари, сантехника маҳсулотлари ва кўплаб бошқалар. Буларнинг ҳаммасини муддатли тўлов асосида 3, 6, 9 ва 12 ойга харид қилиш мумкин. Бундан ташқари, давлат ташкилотларида ишлаётганлар ва нафақадаги шахслар муддатли тўлов шартномасини расмийлаштириш учун паспорт тақдим этишлари керак бўлади ҳолос. Мижозлар учун қулайликлар фақатгина бу билан чекланмай, харид қилинган маҳсулотни уйгача етказиб бериш, ўрнатиш ва фойдаланишни ўргатиш каби хизматлар ҳам кўзда тутилган.
ISHONCH компанияси барча дўконларда харидорларга малакали ва ўз ишини пухта биладиган ходимлар хизмат кўрсатишига алоҳида эътибор бериб, ходимлар доимо ўз йўналиши бўйича ўқитилади, уларнинг малакаси оширилади. Мутахассисларнинг профессионал даражада ривожланиши ва ўсиши учун барча имкониятлар яратилган. Компания жамоасига қўшилишни ва ўз ҳиссасини қўшишни истаган барча ўз анкеталарини Telegram орқали t.me/ishonchanketabot орқали тўлдириб қолдиришлари ва t.me/hrfmishonch Telegram канали орқали бўш иш ўринлари ҳақида маълумот олишлари мумкин.
Компания томонидан шунингдек мунтазам равишда мижозлар учун турли ҳил акциялар, ютуқли танловлар ўтказилиши, чегирмали таклифлар эълон қилиниши алоҳида аҳамият касб этади. Ҳозирда дўконлар тармоғида «Ишончли мижоз» акцияси кенг кўламда ўтказилаётган бўлиб, учинчи босқич ғолиблари аниқланган ва совринлар топширилган. Олдинда акциянинг яна иккита босқичи бор, иштирок этиш учун ISHONCH дўконлар тармоғининг исталган филиалида 4 млн сўм ва ундан юқори харидни амалга ошириш натижасида 5 та Chevrolet Nexia 3 автомобили ёки қимматбаҳо маиший техникалардан бирини ютиб олишингиз мумкин. Акция шартлари ҳақида батафсил www.ishonchакция.uz сайтида танишиб чиқишингиз мумкин.
18 ноябрь куни ISHONCH дўконлар тармоғининг навбатдаги янги филиали Хоразм вилояти, Ҳазорасп туманида ўз фаолиятини бошлайди.
+99873 515 22 22
Компаниянинг ижтимоий тармоқлардаги расмий канал ва саҳифалари:
Реклама ҳуқуқи асосида.
Изоҳ (0)