Иорданиянинг Амман шаҳрида бўлиб ўтаётган бокс бўйича 2022 йилги Осиё чемпионатининг 7 ноябрь кунги баҳслари якунланди.
Ушбу кунда ўзбекистонлик олти нафар чарм қўлқоп устаси чорак финал баҳсларида қатнашди.
-75 кг вазн тоифасида Ўзбекистон шарафини ҳимоя қилаётган Саиджамшид Жаъфаров Тожикистон вакили Абдумалик Болтаевга имкон қолдирмай, ярим финал йўлланмасига эга чиқди.
Одилжон Аслонов (-80 кг) эса ҳиндистонлик Чаҳар Лакшияга қарши кечган жангда қийин ғалабага эришиб, кейинги босқичга чиқди.
Шоҳжаҳон Абдуллаев (-86 кг) мезбонлар вакили Адилҳиндави Одаига қарши жанг ютқазиб, мусобақадаги иштирокини якунлади.
-92 кг вазн тоифаси вакили Мадиёр Саидраҳимов Камбожа номидан қатнашган асли ўзбекистонлик Абдулла Ражабовдан устун келди ва ярим финал йўлланмасига эга чиқди.
+92 кг вазнда ҳаракат қилаётган Лазизбек Муллажанов Кувайт вакили Али Алқрибга имкон қолдирмади. Муллажонов учта раундни ҳам катта устунлик билан якунлаб, ярим финал йўлланмасини нақд қилди.
-50 кг вазн тоифаси вакили Азиза Ёқубова ветнамлик Нгуен Ти Тамга ютқазиб, мусобақадаги иштирокини якунлади.
Изоҳ (0)