Тошкентда янги ўқув комплексларини синовдан ўтказиш учун ўқитувчилар малака ошириш курсларини ўтамоқда

Тошкент шаҳрида 1—4-синфлар учун яратилган замонавий янги ўқув комплексларини синовдан ўтказишга танланган мактаб ўқитувчилари учун беш кунлик малака ошириш курслари ўтказилмоқда. Мазкур ўқув комплекслари XXI аср кўникмаларини ривожлантиришга қаратилган замонавий ўқитиш усулларидан фойдаланган ҳолда яратилган.

Ўқув-услубий комплекслар ўқиш, математик саводхонлик, компьютер кўникмаларини ривожлантиришга ёрдам берадиган вазифалардан иборат ва замонавий дунёда инсонга зарур бўлган бошқа кўплаб компетенсияларни ўз ичига олади.

Ўқув машғулотларида вилоятлардаги 14 та мактабдан, жумладан, Қорақалпоғистон Республикасидан жами 179 нафар ўқитувчи иштирок этмоқда. Машғулотлар еттита гуруҳда олиб борилади: олтита гуруҳда ўзбек тилида, битта гуруҳда эса рус тилида.

Ҳар бир машғулот 1—2-синф ва 3—4-синфларда турли фанларни ўқитиш тамойиллари ва ўзига хос хусусиятларини ўзлаштиришга бағишланган. Курс давомида ўқитувчилар «Математика», «Технология», «Информатика ва ахборот технологиялари», «Табиацҳунослик», «Тасвирий санъат», «Она тили ва ўқиш саводхонлиги», «Математика», «Технология», «Информатика ва ахборот технологиялари», «Тарбия» ва янги «Молиявий саводхонлик» каби фанларни ўқитиш, шунингдек ҳуснихат билан ишлаш ва Alifбени ўргатиш методикасини пухта эгаллаши керак бўлади. Бундан ташқари, улар ўқув жараёнида электрон таълим ресурсларидан фойдаланишни ҳам ўрганади.

Материални самарали мустаҳкамлаш учун иш ҳар бир иштирокчи билан алоҳида, жуфт ҳолда ва мини-гуруҳларда амалга оширилади. Вақтнинг катта қисми лойиҳа ишларига бағишланган бўлиб, унинг давомида ўқитувчилар гуруҳларда дарснинг маълум бир мавзуси бўйича лойиҳалар ишлаб чиқади ва уларни тақдим этади.

Ушбу курслар ўқитувчиларга ўқувчиларда қуйидаги 4 К малакаларни шакллантиришни ўргатишга қаратилган:

• ҳамкорлик — жамоада ишлаш қобилияти;
• коммуникация — мулоқот қилиш қобилияти;
• ижодий фикрлаш — ихтиро қилиш, мақсадга эришиш учун қизиқарли ёндашувларни топиш қобилияти;
• танқидий фикрлаш — ўз фикрини мустақил ифода этиш қобилияти.

Тренингни тамомлаган барча ўқитувчилар тегишли сертификатларга эга бўлади.

Мазкур тренингда Республика таълим маркази ва «Авлоний» малака ошириш маркази мутахассислари кузатувчи сифатида қатнашади.