Тошкент аэропортида йўловчининг регби коптогига гашиш яширилгани аниқланди. Бу ҳақда Давлат божхона қўмитаси ахборот хизмати хабар берди.
Тошкент халқаро аэропортига Истанбул—Тошкент рейси бўйича парвозини якунлаган ҳамда божхонадан «яшил» йўлак орқали ҳаракатланган йўловчилардан бирига тегишли багаж белгиланган тартибда кўздан кечирилган. Натижада багажда — юклар орасидаги кроссовка ичида йўловчи божхона декларациясида қайд этилмаган ва божхона ходимининг оғзаки сўровида ҳам маълум қилинмаган 33 дона электрон тамаки чекишга мўлжалланган ручкасимон вейп қурилмаси ҳамда 32 дона уларни қувватловчи мослама борлиги аниқланган.
Шунингдек, божхона ходимларини шубҳалантирган регби коптоги очиб кўрилганида эса унинг ичида мато ўрамлари орасига яширилган ҳолда 3 турдаги 72 дона ўзидан ўткир ҳид таратаётган ампулалар борлиги аниқланди.
Мазкур ампулалардаги модда эса гашиш мойи бўлиб, бу уларнинг қадоғида ҳам акс эттирилган. Ҳозирда юқоридаги ҳолат юзасидан терговга қадар текширув ҳаракатлари олиб борилмоқда.
Изоҳ (0)