Бу даҳшатли фильмдаги йиртқич ҳайвон эмас: фотографнинг йирик планда олган чумоли сурати «Nikon» мукофотига сазовор бўлди (фото)

Литвалик фотограф Эугениюс Каваляускаснинг чумолини микроскоп остида беш марта катталаштириб олган сурати ажойиб натижага эришди, деб ёзади «Правила жизни».

Ҳашарот бошининг ақл бовар қилмайдиган даражада тасвирланган сурати туфайли Каваляускас Nikon Small World Photomicrography Competition танловида бош совринни қўлга киритди. Суратда чумоли гўё даҳшатли фильмдаги йиртқич ҳайвон каби жуда қўрқинчли бўлиб кўринган.

«Мен биринчи марта микросурат ола бошлаганимда, барча ҳашаротларни йиртқич ҳайвонларга ўхшайди, деб ўйлагандим, — дейди Каваляускас. — Аммо энди бунга кўникиб қолдим ва оёғимиз остида жуда кўп қизиқарли, чиройли ва номаълум мўъжизалар борлигидан ҳайратланаман».

Фотограф журналистларга чумолини Литванинг Таураге шаҳридаги уйи яқинидан, ўрмонда суратга олганини айтиб ўтди. «Мен ҳар доим деталь, соя ва нозик бурчакларни қидираман. Суратларимнинг асосий мақсади ниманидир биринчилардан бўлиб кашф қилиш», — дейди Каваляускас. — Яратганнинг мўъжизалари ва илоҳий дурдоналарни кўриш имконияти мени ҳайратга солади».

Танловнинг бош соврини Григорий Тиминага Мадагаскар улкан геккони эмбрионининг панжалари тасвирланган сурати учун тақдим этилди. Ҳашарот панжасининг узунлиги атиги 3 миллиметрга тенг.

Шунингдек, қўнғиз панжасидаги пашшанинг йирик планда олинган сурати учун ҳам соврин берилди.

Бундан ташқари, танловда куя тухумлари сурати ва бошқа ажойиб ишлар ғолиб бўлди.