Бугун,

  • USD 11095.31
  • RUB 173.84
  • EUR 10772.44

Андижон ва Фарғона вилоятларидаги бир нечта мактабларда 4 мингга яқин биринчи синф ўқувчиларининг президент совғаси сифатида тарқатилган рюкзаклари бошқасига алмаштириб берилди. Бу ҳақда «Дарё» мухбири хабар бермоқда.

Адлия вазирлиги Интеллектуал мулк департаменти етакчи маслаҳатчиси Муроджон Жалолиддиновнинг маълум қилишича, ижтимоий тармоқларда тарқалган «1-синфга борган айрим қизалоқларга қоп-қора рюкзаклар берилди» сарлавҳали хабарларда Андижон ва Фарғона вилоятларининг бир нечта мактабларида биринчи синф ўқувчилари учун президент совғаси сифатида тарқатилган мактаб сумкаларида Gucci, Fila, Nike каби хорижий брендлар логотипидан фойдаланилгани қайд этилган.

Ушбу ҳолат юзасидан Андижон вилоят адлия бошқармаси Интеллектуал мулк ҳуқуқларини ҳимоя қилиш бўлими томонидан ўрганиш олиб борилган.

Ўрганиш давомида Балиқчи туманида фаолият юритувчи «H.P.S.» хусусий корхонасига тегишли ишлаб чиқариш объектларида 2022 йилнинг июль—август ойлари давомида давлат рўйхатидан ўтказилган Fila, Nike, Adidas, Gucci, Hello Kitty хорижий товар белгиларига ўхшаш бўлган Fila, Nike, Adidas, Gucci, Hello Kitty номли ўқувчилар рюкзакларини ишлаб чиқарганлиги ҳамда «Ўқув таълим-таъминот» давлат муассасасининг шартномасига асосан Андижон вилоятидаги умумтаълим мактабларининг 1-синф ўқувчиларига тарқатилганлиги аниқланган.

Ҳолат юзасидан хусусий корхонага нисбатан Андижон вилояти адлия бошқармаси томонидан ўзганинг товар белгиси бўлган ва муҳофаза қилинаётган белгига ўхшаш товар белгиларидан ноқонуний фойдаланганлиги учун маъмурий баённома расмийлаштирилган. Шунингдек, Маъмурий жавобгарлик тўғрисидаги кодекснинг 177-моддасига асосан кўриб чиқиш учун судга юборилган.

Жиноят ишлари бўйича Балиқчи туман судининг қарорига мувофиқ ҳуқуқбузарга нисбатан базавий ҳисоблаш миқдорининг 15 баравари, яъни 4,5 миллион сўм миқдорида жарима жазоси тайинланган.

Шунингдек, Адлия вазирлигининг тегишли тақдимномасига асосан 3974 та контрафакт сумкалар ўқувчилардан қайтариб олиниб, янги, сифатлисига алмаштириб берилган.

Аввалроқ Андижонда хориж брендларидан фойдаланиб, рюкзак ишлаб чиқарган тадбиркорга маъмурий баённома расмийлаштирилгани ҳақида хабар берилганди.

Изоҳ
Асосий янгиликлар
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Дунё
Пабло Эскобар буйруғи билан портлатилган Boeing, «Невский экспресс» поездидаги теракт ва совет ҳукуматига қарши бошланган Слуцк қўзғолони. Кун хронологиясида 27 но...
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди