Бугун,

  • USD 11095.31
  • RUB 173.84
  • EUR 10772.44

The Voice Mag нашри тақдим этган доктор Отто Барнснинг усулини синаб кўриш мумкин — бу қалқонсимон безнинг ҳолатини 10 дақиқада баҳолаш имконини беради.

Фото: The Voice Mag

Фото: The Voice Mag

Бутун умри давомида эндокрин дисфункцияни ўрганган америкалик тиббиёт профессорининг 50 йил аввал ихтиро қилган техникаси ҳали ҳам долзарбдир.

Хавфли гипотиреоз

1970 йилларда Брода Отто Барнс бир нечта китобларни нашр этди. Унда қалқонсимон без фаоллигининг етишмаслигидан келиб чиққан бу касаллик шифокор ва соғлиқни сақлаш ходимлари ишонганидан кўра кўпроқ соғлиқ муаммоларига олиб келиши айтилади.

1984 йилда Барнс ўзининг гипотиреоз ишини ҳимоя қилиш учун нотижорат жамғармага асос солди. Шу билан бирга, профессор қалқонсимон без фаолиятини текшириш учун диагностика усулини ишлаб чиқди, у ҳозирда «Барнс базал ҳарорат тести» деб номланади.

Эҳтимол, бунинг учун қандай нарса кераклигини аллақачон тахмин қилгансиз — бу ҳар бир уйда мавжуд бўлган оддий термометр. Симоблисидан фойдаланиш тавсия этилади, у ҳароратни бошқаларга қараганда аниқроқ кўрсатади.

Барнс тести қандай амалга оширилади?

Ҳаммаси жуда оддий: ётишдан олдин, термометрдаги даража 35 га туширилади. Уйғонгандан сўнг дарҳол ётоқдан чиқмасдан, қўлтиқ ости соҳасидаги ҳарорат ўлчанади, бунинг учун 10 дақиқа кифоя қилади.

Текширув бутунлай соғлом бўлганда амалга оширилиши керак. Натижаларни қуйидагича изоҳлаш мумкин:

  • 36,6 дан 36,8 гача — қалқонсимон без яхши;
  • 36,0 дан 36,5 гача — қалқонсимон безнинг дисфункцияси, қўшимча тадқиқотлар зарур;
  • 36,0 дан паст — терапия зарур бўлган босқичда гипотиреоз;
  • 36,8 дан юқори — организмда ташхис қўйиш керак бўлган яллиғланиш жараёнлари мавжуд.
Битта ўлчов етарли эмас, 3-7 кун давомида базал ҳароратнинг динамикасини кузатиш керак. Агар кўрсаткичлар меъёрдан ташқарида экани маълум бўлса, гипотиреознинг бошқа кўринишлари бор ёки йўқлигини аниқлаш керак.

Гипотиреознинг белгилари:

  • заифлик, кун давомида уйқучанлик, чарчоқ;
  • совуққа чидамаслик;
  • кўкрак, бош ва бўйинда иссиқлик;
  • хотира бузилиши;
  • терлаш, айниқса кечаси;
  • юрак уришининг тезлашиши;
  • ҳеч қандай сабабсиз асабийлашиш;
  • одатий овқатланиш фонида вазн ортиши.

Изоҳ
Асосий янгиликлар
Маҳаллий
Россия бош вазири Мишустин Ўзбекистонга келди (фото)
Дунё
«Дарё»кундалигида 1 декабрда содир бўлган энг муҳим воқеалар
Дунё
Эронда мамлакат терма жамоасининг ЖЧдаги мағлубиятини нишонлаган йигит отиб ўлдирилди