Ереван 26 сентябрдан 8 октябргача Қозоғистонда бўлиб ўтадиган Коллектив Хавфсизлик Шартномаси Ташкилоти (КХШТ) Тезкор ҳаракат коллектив кучларининг машғулотларида иштирок этишдан бош тортди. Бу ҳақда Арманистон Мудофаа вазирлиги маълум қилди, дея хабар беради «Lenta.ru».
«Озарбайжон томонидан амалга оширилган тажовуз натижасида Арманистон—Озарбайжон чегарасида юзага келган вазиятни инобатга олган ҳолда, Мудофаа вазирлиги Арманистон Республикаси Қуролли кучлари олдига қўйилган вазифалардан келиб чиқиб, ҳарбий машғулотларда қатнашмасликка қарор қилди, шунингдек, Қозоғистон Республикасидаги КХШТ доирасида ўтказиладиган машғулотларга ҳам», — дейилади департамент қарорида.
Эслатиб ўтамиз, аввалроқ КХШТ Тезкор ҳаракат коллектив кучларининг машғулотлари Қозоғистон жануби ва жануби-шарқида, Жамбил ва Олмаота вилоятларида ўтказилиши маълум бўлган эди. Маълум қилинишича, машғулотлар давомида комендантлик хизмати, ҳаво ҳужумидан мудофаа ва ҳар томонлама таъминлаш масалалари ишлаб чиқилади.
Изоҳ (0)