АҚШ Конгресси Украинага 12 млрд долларлик янги ёрдам пакетини ажратишга келишиб олди

АҚШ Конгресси аъзолари Украинага қўшимча ёрдам пакети ажратиш бўйича дастлабки келишувга эришди. Бу 12 миллиард долларни ташкил этади, деб хабар беради Reuters. 

Унга кўра, қонун лойиҳаси 1 октябргача кўриб чиқилади. АҚШ президенти Жо Байден 3 сентябрь куни Конгрессдан Украина учун янги ёрдам пакетини сўради. 

Маблағлар 2023-молиявий йилнинг биринчи чорагида тақдим этилиши режалаштирилган. 

Оқ уй маълумотларига кўра, бу маблағлар янги қуролларга, шунингдек, Украина иқтисодиётини қўллаб-қувватлашга йўналтирилади.

Аввалроқ Пентагон Украина учун 2,2 миллион долларлик камикадзе дронларни сотиб олиши ҳақида хабар берилган эди. 

АҚШ ҳукумати 24 февралдан бери Украинага тахминан 18 миллиард доллар ажратди.