Бугун,

  • USD 11014.01
  • RUB 191.8
  • EUR 10674.78

Наманган ва Самарқанд вилоятларида Кучли таъсир қилувчи дори воситаларини муомалага киритилишининг олди олинди. Бу ҳақда Иқтисодий жиноятларга қарши курашиш департаменти хабар қилди.

Фото: Иқтисодий жиноятларга қарши курашиш департаменти

Фото: Иқтисодий жиноятларга қарши курашиш департаменти

Қайд этилишича, Бош прокуратура ҳузуридаги департамент ҳамда ДХХнинг Наманган вилояти бошқармалари томонидан тезкор тадбир ўтказилган. Унда фуқаролар А.А., Б.Т. ва Р.С. ўзаро тил бириктириб, таркибида кучли таъсир қилувчи моддалар мавжуд бўлган 1 316 дона «Регапен» номли дори воситаларини фуқаро Ў.га 32,9 миллион сўмга сотган вақтида ашёвий далил билан ушланган.

Шунингдек, Самарқанд вилоят бошқармаси ҳамда Каттақўрғон туман бўлими томонидан тезкор тадбир ўтказилган. Унда фуқаро С.С. бошқа бир фуқаро Э.га жами 56 дона «Регапен» номли кучли таъсир қилувчи дори воситаларини 1,5 миллион сўмга сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

Изоҳ
Асосий янгиликлар