Бугун,

  • USD 10940.05
  • RUB 182.26
  • EUR 11121.65

Жаҳон иқтисодиёти ва дипломатия университети доценти Рустам Маҳмудов «Дарё» мухбирига берган интервьюсида ШҲТ саммитидан кутилаётган асосий янгиликлар ҳақида гапириб ўтди.

Фото: «Дарё» / Оғабек Самисов

Фото: «Дарё» / Оғабек Самисов
"ШҲТдан кутилаётган воқеалар кўп. Жаҳон сиёсати ва иқтисодиётида вазият ўзгармоқда. Кўплаб рисклар юзага келмоқда. Бу рисклар — санкциялар, савдо урушлари, эски можароларнинг қайтадан қўзғалиши. Ташқи муҳит барқарор эмас.

Шу билан бирга бу муҳит янги имкониятлар тақдим этади. Бундай шароитда ШҲТга катта аҳамият қаратилмоқда.

ШҲТ ҳозирда дунёнинг энг йирик, ривожланган иқтисодларини ўзида жамлаган. Булар Хитой, Ҳиндистон, Россия каби мамлакатлар. Шунингдек, Марказий Осиё мамлакатлари, жумладан, Ўзбекистон иқтисодиёти ҳам шиддат билан ривожланмоқда.

Шу сабабли кутилаётган асосий нарса бу вазиятда ШҲТда янги давр учун янги ўйин қоидаларини шакллантириш мумкин ёки йўқлигини аниқлаб олишдан ибора. Умуман олганда, бундай таклиф аллақачон берилмоқда.

Бу таклиф ШҲТ ташкилоти руҳи асосида шакллантирилган. Бунда зиддиятга киришмаслик, ўзаро дўстлик алоқаларини мустаҳкамлаш, ҳар қандай муаммони музокаралар йўли билан ҳал қилиш каби фалсафалар биринчи планга чиқарилган. Бу принциплар амалга ошса, янги халқаро реалликнинг чизгилари шаклланаётганини кўришимиз мумкин бўлади. Шу сабабли ШҲТ саммитидан кутилаётган янгиликлар жуда катта", — деди Маҳмудов.

Изоҳ
Асосий янгиликлар