Футбол бўйича Испания Ла Лигасининг 5-турида «Реал» 11 сентябрь, якшанба куни «Мальорка»ни қабул қилди.
Учрашувнинг 35-дақиқасида меҳмонлар Ведат Мурикининг голидан кейин олдинга ўтиб олди. Биринчи бўлим якунланиши арафасида Федерико Вальверде чиройли гол билан мувозанатни тиклади.
72-дақиқада Винисиус Жуниор Родригонинг узатмасини голга айлантириб, мадридликларнинг иккинчи голини урди. Учрашув якунига яқин Родриго ва Антонио Рюдигер ҳисобни йирик кўринишга олиб келди.
Шу тариқа «Реал» ғалабали сериясини давом эттирган ҳолда очколарини 15 тага етказиб олди ва якка пешқадам бўлиб турибди.
Ла Лига
5-тур баҳси
11 сентябрь, якшанба
«Реал Мадрид» — «Мальорка» 4:1
Голлар: 0:1 – 35 Мурики, 1:1 – 45+3 Вальверде, 2:1 – 72 Винисиус Жуниор, 3:1 – 89 Родриго, 4:1 – 90+3 Рюдигер.«Реал Мадрид»: Куртуа, Алаба, Рюдигер, Менди (Начо, 59), Кроос, Себальос (Камавинга, 69), Вальверде, Васкес (Карвахаль, 71), Азар (Модрич, 59), Винисиус Жуниор, Родриго.
«Мальорка»: Райкович, Маффео, Настасич, Раильо, Валент, Коста, Дани Родригес (Гренье, 59), Батталя (Баба, 53), Руис де Галаррета (Санчес, 59), Ли Кан Ин (Лаго Junior, 78), Мурики (Прац, 78).
Огоҳлантиришлар: Настасич (16), Менди (25), Маффео (25), Вальверде (34), Раило (39), Алаба (81), Валент (85), Санчес (85).
Изоҳ (0)